مركب الصيد
البحر يلي ملفلف سرار بموجاتو
وحاملي اخباركتيري سهراتو
ومركب تشلع من هول العاصفي
متروكي عا الشط كل خشباتو
ما نسي المعلم لكان في يستريح
ويحلم بدني اوسع وكون فسيح
تيساع بالمحبة كل قلوب البشر
وتنتهي الحرب كل عاصفي وريح
مش عارف انو مخبر خبار السما
الحاملي للارض الفقيرة دفيء وغنا
وهونيك نرسمت وترسخت اساسات البنا
ودفقت خيرات واعدي وفايضي جنى
انت هالمركب المتروك لشاف العاصفي
والدهر بنيابو اكل منك فتافيت الخشب
نام تحت جوانحك يسوع الشافي النازفي
وعا سطحك الرسل الخايفين شافوا العجب
بنخاوير الهارسي الخشب مخبا متال
حبةخردل وقمحات والزرع صار عال
والحقل وكرم والصخر والشوك والزيوان
وشوق للملكوت الموعود لما بيجي عا بال
بها المركب المتروك كل ها الشي صار
كتير منن ضاع بالدني وتلبكت فكار
صار بيناتن حكي ومشاكل وبلبلي
وتلاميد انسحب من بيناتهن كتار
شو كان المعلم عن يحلم بهاك النهار
لمن قصدك تينام فيك ويستريح
بكلمة حاسمة منو هدا البحر والريح
زرع هلع وخرس وصار محتار
وبهاك اليوم منذكر فيك فادي الانام
لمن كتر الخبزات وشبع جمهور
ما قبل يشبعوا من الخبز والسمكات
ذكرن بالاول من السما خبز الحياة
كلمة الله صارت خبز وعطيت حيات
ويلي اكل من خبزك ما عاد مات
رفض يسوع يقبل من الشابعين بيلي صار
يصير ملك علين تمن كانوا كتار
جا تا يملك بالمحبة عا قلوب البشر
والسما تفيض بالفرح والروح نار
بيي السماوي عطاكن المن والسلوى قوت
وكل يلي شبع من هاك الاكل موتا يموت
خبزي انا حي كلو حياة جديدة ويمان
حياة جديده بها ك الدهر وسعادة انسان
هالكلام صعب كتار هموا بالانسحاب
تلاميذ من الحاضرين املن خاب
صرخ بطرس نحنا معك يا سيد
انت وحدك الحق والروح مؤيد
بهل المركب الشرارد والشراع
محمل مكتبة الله وذكريات وساع
بهاك الزاوي معلق مفتاح السما
والحق طلع من سطحو وشاع
انا ما نسيتك ظاهرك حقير
متل ما ظهر يسوع مقمط بالسرير
بس وشوشني الروح وقلي سر
ها المركب هوي قصر بتوبو الفقير