بولس يدافع عن نفسه

normal_yzahab7

 

 

 

 

 

 

 

 

يلي انجرح من الناس بالصميم
انفتح القلب وخبر شي حميم
كان عند بولس حنان الام
وهاجمو الحسد لهوي اليم

قالوا شو ها الكلام المهزلي
جبان شو قاسي شاول بالكلام
حضور ضعيف وشو هالمسألي
كلامو بسيط كتير بدغدغ الاحلام

وقال عن حالوا انو هويي رسول
شاف الناصري هيك عم بيقول
معروف انو باطل كل الكلام
والعلامي ما بيخد اجر عا طول

والطرسوسي تطاول على التقليد
وعاطول لاحلنا الناموس تهديد
يا جماعة الخير شو ها التحدي
عم يدعيي بالاصلاح والتجديد

حرجتوني يا جماعة للكلام
بدي امشي بمنطق ما في سلام
اسمحولي احكي شوية جهالي
وتركوني دافع عني بالتمام

خليني جاهل تا شوف حالي
يلي بيحكو كلام متداول
مضطر دافع عن اعمالي
بدي احكي الحقايق من الاول

هيني عندن شوفة حال
وانا عارف شو عم بينقال
خليني احكي بقوة الايمان
وكلام من فكر بالماضي جال

هيني بقولوا نحنا عبرانيين
ما بعرف ليش ها القد مدعيين
انا بالقول والعمل من زمان
ما حدن ناكر هني مش اسرائليين

انا من نسل براهيم بي الوعد
واليو م بالمسيح تحقق العهد
البركي ظهرت بالمسيح الحي
وانا مكرس لها الخدمة والجهد

وشو بدي خبر يلي معي صار
بعد في بجسمي كتير من هالاثار
بعدني بدكر الرعب مش من زمان
وبعدو بفكري كتير مر ها التدكار

و بدي خبر عن الصعوبات الكتار
من حبوسات وخطر الطرقات
وكم مرة تعرضت للموت ليل نهار
وكم مرا تعرضت للسرقات

وكم مرة بالمجمع رقعوني بدن
بعدن اثارن ما راحت مع الزمن
كسروا العصي عاضهري مرات
وفيتير ما بتنعد بحياتي المحن

وكم مرت كنت غرقت بالبحور
واختفى عني الضو والنور
وقلت وهلق راحت عليي
وكان ربنا بها المحن يزور

وكم مرة مشيت بدون زوادي
وصار عندي الجوع والعطش عادي
وهيك صارت كل ايامي صوم
ما في غير الرجا فيي بنادي

وها الكنايس لانتشرت بالاقطار
وقيش كلف سهر ليل النهار
ومعن ها الديات اشتغلت بالحياكي
تا خفف المصاريف لكانوا كتار

وبس انا بشو بالحقيقة عندي افتخار
بالضعف يلي حاملو عا طول
بالرغم محبة يسوع فيي نار
نزيف جواني مرافقني زنار

وبالرغم ها الضعف لي ما بينساني
كاد يحرق انفاسي ويهد لي كياني
ربنا كشف لهضيعيف اسرار
ما بعرف انا بالجسد بكل اوهاني

شفت شي سر ما بقدر اكشفوا
ما في غيري بها الكون حدا بيعرفو
هيدا هويي موضوع الافتخار
وغير هيك انا ضعيف شقفة فخار

وبقي الضعف بالرغم من الانعام
وكشف الاسرار وكل ها الاحلام
صخر بالاعماق بالقلب السيد قال
انا قوتي عظيمة بقلب الاوهان

وهيك بعرف قوة قيامة المسيح
يلي شفافي دايما عا طول تسبيح
منشان هيك راضي بالاضطهاد
وبدي كفي حياتي عاطول بالجهاد

Share:

More Posts

الوحي الالهي  ,دستور عقائدي 

الوحي الالهي وثيقة مهمة للدفاع عن ايمان الكنيسة انا جربت اكتب بلغة سهلي ها الوثيقة المهمة 1 الوحي الالهي وثيقة من الزمان دستور عقائدي من

الابن الشاطر

قصة الابن الشاطر قصة كل بيت في كل زمان. الانسان لم يتبدل بن الماضي والحاضر . هي قصة ولد يريد الخروج من التقليد لعيش على

            Inauguration of Peter   This Gospel is an explanation of the death of Peter after he became a shepherded

Send Us A Message