متل الوزنات


images

 

 

 

 

 

 

عا بكرا الانجيل متل البدرات
والبدرا مقدرينها بالف دينار
والمبلغ من كتار كتير الفضيات
عطى امانات عجيب بهاك النار
2
والمتل جايي بعد تلات امتال
جهاد وسهر وجهاد لدرجة الكمال
كل المسؤولين عا كنوز من السما
ما في مجال للاكليل لعندو اهمال
3
تنين كانوا من احسن الخدام
عملوا ارادة السيد وعليوا بالمقام
والاخير كان خايف منهيك كسلان
خسر فرصتو وما صار من العظام
4
التنين فهموا ارادة صاحب المال
اشتغلوا بالتجارا وسعوا المجال
اخدوا كل الحكمي وكل الفنون
ومن هيك زادوا وكبر راس المال
5
العبد يلي بالاخر طلع كسلان
مسيطر عليه الخوف ما عندو امان
ومطرح ما بينوجد بالدني خوف
الرسمال بيكون متلو كتير جبان
6
حضور السيد مهم للتلميذكتير
بيعرف ليش سيدو كتير قدير
ومنعرف نحنا العلم هوي نور
ويلي بتقرر بالنور اكيد بيصير
7
من يسوع منعرف شو التلمذي
التلميذ بتخلق باخلاق الملفان
فكروما بيكون مشوشر قلقزي
القلب بقوى كتير وبيرسخ الايمان
8
بحضور الاب السماوي عايش عطول

دايما بالصلا بعرف الاب شو بدو يقول
ما نسي: انت ابني حبيبي يوم العماد
ما نسي ولا مرا يسوع كل ها الاصول
9
وشو اردة يسوع السيد كيف بتكتمل
التلميذ بيتمرس بالصعوبات وكيف بيحتمل
تيصير عندو طاعا كاملي ليسوع المسيح
وهيك التلميذ بمحبة الرب قلبو بيشتعل
10
بعد التلمذي التلميذ بالمعلم شبيه صار
بتصير ارادتو صلبي كيف ما الدهر جار
يسوع بعدها  بيحملو كتير من ها الكنوز
من بعدها التلميذ بيكون ثابت بالقرار
11
قبل ما نوصال عا الملكوت في عنا اختبار
ليش هاك البيت في مشاكل بلش ينهار
كتار بعدوا عن الايمان بيسوع المسيح
تركوا الكنيسي والايمان وبلش البنا ينهار

12
العبد الكسلان اختار مصيرو باول الطريق
ولحقوا شي تيار العبد الكسلان كان رفيق

سيد ظالم رجعي كتير بيفكرو  عتيق
الكنز يلي نعطى بسر الزواج تركو
13
تركو بالكنيسي وصار لنزواتوا عشيق

العبد الكسلان راضي بحياة العبوديي
مش ها يكمل مسيرة معلمة المقدام
بدو يبقا عبد ولو  بدو ينعطى كنز الحريي
ما فكر ولا يوم ان يتقدم الى قدام
14
العبد باول الطريق كان عندو اختيار
قبل ما يلتزم بالمبلغ ويكفي ها المشوار
الشرط قبل ما يستلم البدرات
ما يرجع خسران من بعد هاك النهار

15

لا توقفني مع الجديا في الجانب الايسر
بل مع الخراف ال اليمين اسبحك مدى الادهار
مع الجدايا ناطرين امر من الديان
عن بيرجفوا ورقة تنتر باخر تشرين
شو عملت يا مسكين تا خسرت الامان
متل يلي تنشوا عن السامري المرائين
16
لقلبن متل الصخر بلا رحمي حيطان
ما شفقوا عا ارملي وعا واحد غريب
قال وحد ابن الشريعا منيح هالانسان
ابن جلدتي يهودي  بناصرو بحقو السليب
17
هيك بضمن بالمناولي عا السما بيكون العبور
وبعمل حسنات كتيري تا اقطع كل الجسور
وسجلي العدلي من مار بطرس لا حكم عليه
وهيك بينفتح الباب قدامي وبشوف النور

18

هدا عن بيرعبن واكيد واصل عا الملكوت
ما بعرف كنو بيمرق بالفحص  قبل ما يفوت
جاهز تا يعبر يمى متقل الحمل كتيير
وقت الشهدي اجبن والتزم السكوت

19

ولي فلت لسانو وسبب كتير شكوك
وكان عن يترشق كلام ولسانو سلوك
وين بيتصنف عا النوع من البشر
نا كر الجميل وبحياتو قدشو عقوق

20

وبولس تذكروا عن الرذايل شو قال
لا لبشلحوا ولا المعتدين ولا قاتلين
يلي يتعدوا عا حقوق البشر بالاعتقال
لا مضاجعي الذكور ولا كل المرائين
22
ويلي شهوتن بعدا كبيري بمحبة المال
ويلي بيفتروا عن الناس اكيدعا الشمال
ويلي بشهروا سلاح للضغط وللتخويف
وحط بالحبس مديون صار رهن الاعتقال
23
نحنا بدون شك مصنفين نحنا لجه الشمال
هدا قدرنا للموت رايحين وهيك كتير بينقال

بقول مار بولس انتوا ما في عليكن احكام
وبيحاسبكن ربنا متل ما حاسب العمال
24
من الاول يلي اغرس وبالبستان مشتول
شلوشو عا مجرى النبع مهلين ريان
واليوم هوي الزمن لتصنف مقبول
عايش بشريعة الرب بسلام وامان
25
ولوين بدنا نروح عن نسمع احلى كلام
بفرح الروح عاطول عايشين بسلام
بمحبة المسيح صرنا عاطول مأسورين
ما هم شو منتحمل كتير شقا والام
26
خلينا ننتقل من جهة الدفاع الى الهجوم
مهمومين من الهدني وخايفين من السموم

تذكروا شو قال لتلاميذوا من بعد الاختبار
حملوا ها الانجيل وتركوا كل الهموم
27
ومطرح ما بيروح الانجيل بيترك اتار
وبيذكروا بالخير كل يلي انعمل وصار
الناس بيصيروا الاكتريي من الخيرين
وبتنكس شوكة الظالمين وكل الاشرار

28

المسيحيي منا قدر مقيد بس حرية ختيار
بعكس ما بيقولوا جماعة من الاشرار الكتار
متل ما عمل الغني اغتني بكل الخيرات
قساوة القلب سبب الدينونة وعذاب النار
29

تعوا تنعالج شو قصة ها المصير
يلي خسر الخادم لما طلعلو تقدير
رد الفضة ما نسي ولا دينار
ما اسفاد من الترقي تا يصير كبير
30

انا بخاف من منبر ربنا الديان
يلي اجا تا يخلص الانسان
وبعنا بالفكر عا مستوى الناموس
نسنا التجسد وصرنا بملئ الزمان
31
بعدنا مشيين بحسب الشرع القديم
وبعدنا عايشين بواقع كتير اليم
قلنا بالاسم صرنا بالمسيح احرار
بعنا بحضور النعمي مريضين بالصميم
32
اذا البر بعدو بمستوئ الناموس
شو عن يعملوا الخوراني والقسوس
معليش بقولها ما بعرف نحنا وين
ما بينحكا الا بالصيني والفلوس
33
وشو قصة الزيت ومسحة الميرون
ما منقشع في عنا رماد بالعيون
منتنافس عاطول على القامات
وبعدو شعبنا للرض مرهون
34
هيدي فرصة الي تقول هيك كلام
بتقولو بتنقز يا بونا ما بيحط سلام
ضروري الانسان يعيش بالبهدلي
ويضل لليوم ماشي بدرب الالام

35

تركون احكيف بلكي منستفيد
منهز ضمير ها الشعب لصار عنيد
خسرنا كتير بها الشرق من زمان
واليوم ما منسمع من الاسلام الا تهديد
36
ايمتا منثور ونخلع الانسان العتيق
ومطلع من القوقعا والوهم والضيق
حلنا نرفع اليوم راية الامان
ونقوم من ها النوم لصاير غميق
37

Share:

More Posts

الوحي الالهي  ,دستور عقائدي 

الوحي الالهي وثيقة مهمة للدفاع عن ايمان الكنيسة انا جربت اكتب بلغة سهلي ها الوثيقة المهمة 1 الوحي الالهي وثيقة من الزمان دستور عقائدي من

الابن الشاطر

قصة الابن الشاطر قصة كل بيت في كل زمان. الانسان لم يتبدل بن الماضي والحاضر . هي قصة ولد يريد الخروج من التقليد لعيش على

            Inauguration of Peter   This Gospel is an explanation of the death of Peter after he became a shepherded

Send Us A Message