هوشع

 

 

 

 

 

 

 

 

 

هوشع النبي

هالانسان الغريب الاطوار

ما بعرف بحياتو شو صار

علق مع مرا جايي عن الطريق

وصارت مرتو وقعدت بالدار

 

المسكينة عاشت مع النبي بالف خير

كانت نشيطة وبالسرعة بتسبق الطير

ومن بعد مدي مدري بخيالا شو صار

هجرت مع الصبح شردت مع بالتيار

 

مسكين  هوشع  شو غومر عملت في

حرقت قلب هوشع وشردت بالدني

وركدت ورا عشاقا من زمن الولدني

المسكين  قلبو بعدو بيحن ونسي لصار

كيف بدو يرجعا بحبا  مأسورعقلو طار

 

انا ما بدي حا سبا عا كل الخطايا

رجعت تعيش عيشة شر البغايا

ونسيت عهد الحب والاخلاص

وكل الفضة والحلا وكل الهدايا

 

فلتت عا راسا وشردت لبعيد

نغشت بالكتان والفرو وكل العطايا

هوديك اكلن اطيب وهني دهايا

ونفسا قابلة كل شي جايي جديد

 

يا ناس بعدني لقلبا عاشق ولاهان

مين بيردلي ياها   هلق كيف مكان

يا رب عطيني ياها علها زعلان

انا ما بعيش بلاها عقلي سكران

 

عقلي علها شارد ما بنام الليل

وجسمي صار حاطط  قليل الحيل

من بدو يردلي ياها انا بالويل

وتركتني وانا بحبا ولاهان

 

بعز الليل وانا سهران بعد النجوم

نسيت انو ايامي سودا وكلا الغيوم

مسعت صوت بينادي  يا قوم

قصتك معي منعادي مش من زمان

 

انا ها العاصيي لي مخا صعب

ما بعرف ليش حبيتا وجبتا من الجب

وتحت جوانحي خبيتا وغمرتا بالحب

غير بحبي ما باديتا من اول الدرب

 

وقت لكانت عرياني بكعب البير

رحت عا الجورة لقطا ولبستا حرير

وبدفئ جواني غمرتا علمتا تطير

وراحت تركتني بوقتا قلبي غضبان

 

يا هوشع انا مرتي هي اسرائيل

ما بعرف ليش عشقتا وما في بديل

انا من الاول اخترتا من جيل لجيل

يومت شردت بالصحرا كنت الخيال

 

شو بدي اعمل بقلبي بحبا ولاهان

انا بعرف وين عقلا ما في امان

ما بعرف ليش قلبي فيها مكبش

وانا بهواها عارف غلطان

 

انا عندي حبا اكتر من الكل

عاطلي كتي اعملا قلبي ما مل

ما رح اتركها بحلا ولو مهما صار

ما رح ارضى بدالا ولو عشاقا كتار

 

شو صاير انا عارف  بكشف اسرار

بدي اركض وراها عا خط النار

انا لصحرا موديها عا صيفا الحار

وهيك بحكي واياها بالقلب خبار

 

بدي ياها تتبهدل مع العشاق

الاكلات عطوها ياها اكلات عتاق

انا عارف شولعبت معي على الحبلين

كذبت علي وخانتني وحياتا كلا نفاق

 

راحت وشردت سنين عا الدرب

ليش حدن مخلص غيري بها الحب

بس شو بعمل هيدي حال البشر

ما بتعرف بجنونا كيف كسرت القلب

 

انا رجعت من حبي رديت الشاردي

عرفت قيمتي بعريا بايام الباردي

انا عا الصحرا عا التعتيير اخدها

بلي بترجع اذا طرقاتا بالسياج سادي

 

وهونيك برجع بالقلب بحكيها

كلمات حلوي بروحي بناجيها

وهيك بتعرف شو قيمة ها الحب

يلي انا من قلبي حياتي عاطيها

 

وبعدان عن جيديد برجع اعمل عهد

عهد جديد بتكون تركت يلي صار

بعطيها كل الاطايب وعسل شهد

وبرجع ردا لعندي عا احلى دار

 

ما بقا اتطلع  شوصار بالماضي

وانشالله قلبا وعقلا وفكرا فاضي

وبضل معي عاطول كل الايام

وبضل انا على حبا كتير راضي

****