قصة ها الهديي

 

 

 

 

 

 

 

 

قصة ها الهديي

 

 

يا امي ماكنة للمطبخ الك هديي

تا تسهل امرك وبيرتاحوا الايدين

مكنا للهرم بتهرم اللحميي النيي

بلا الخبيط بالمدقا وبيرتاحوا الدينين

 

يا ابني الهديي مقبولي من اللولاد

بس الجرن والمدقا علامي بالعياد

يابني الجرن كان  معنا يصوم

وترجع بالعيد يا ابني الدقات جداد

 

وانا يا ابني من القلب كنت اقطفها

وبالفرتيكي بسرعا  شيل الشلوش

وشوية نعننع بقلب الجرن لطفها

وزيد ملح ونتفة بهارت رشوش

 

اليوم بالماكنا بعملها عا السكيت

ما بيسمعوا بالاحتفال اهل البيت

وصارت اكلت الكبي هيني كتير

تقاعد الجرن ولطي حد الحيط

 

كان الجرن علامة الكرم والاحتفال

يتباهوا بالمدقة والزخرفي بالاشغال

شغل معلم جميل ها الفن والابداع

كان علامة الفرح بكل ها الاحوال

 

حتى الهديي عندا توزعت عيديي

سلم ها لايدين كلن بركات الهيي

بلكاد تقبل تجيب شي فسطان

ها الهديي حسكها لاختك الصبيي

 

هيك كانوا يعملوا القديسين

بعز الفقر عاطول مبتسمين

لو البابا بيسمح بها التطويب

لحق ببلادنا عا كتار طوباويين

للللللللللللللللللللل