يسوع والسامريي

 

 

يسوع والسامريي

السامرة كانت بنت العهد من زمان

صارت ضحيىة للانقسام والانهزام

انخلقت عداوي بين القبايل والبلدان

واختلط الدم مع الاغراب والاديان

 

انقطع الوحي والانبيا وفقدوا الكيان

وصار عندن عا جبل جرزيم هيكل

مع مملكة يهوذا خف الحوار وقل

وبقي وحي قديم وامل بوحدة كيان

كيف بتنجمع الناس وبتنكسر عداويي

ومن قلوب البشر كيف تنشال القساوي

وينحط قلوب جديدة كلا سلم ونقاوي

وفها حقيقة ساطعة بدل كترة فتاوي

ناطرين المسيح لبيرد للناس الامل

معوا سلام ورجا  ويكون الوعد اكتمل

امير السلام من الله جايي  ابن الازل

يسوع الناصري جا  والزمن اكتمل

وكيف عرف اهل السامرة بها الخبر

بلشت قصة مرا سامريي قلبا اجبر

عا بير يعقوب بيسوخار الله دبر

ويسوع بها المديني في يوم عبر

 

راح المعمدان  ضحية ملك غدار

ويسوع عا ارض السامرا سار

مر بهاك الارض بنص النهار

وصل عا بير يعقوب بقرية سوكار

 

نهار مشلهب الضهر والارض نار

يا مين يسقيني  شربة وين اهل الدار

مرا حاملي جرة شو قولكن صار

شو جابها عا البير بطقة النهار

 

لهيئة مستقتلي وحيدي عبالا المشوار

وهيك بتفسح عن قلب وفكر محتار

مكسور قلبا بوجع ما ندمل بالقار

وصل عا اخر من عطش غرار

 

اكلت نصيبا خمسة من الرجال

بقي قلبا الجروح منو الدم سال

حياتا مشوشرة مرض عضال

لمين بتقدر تشتكي لبفكرا جال؟

 

ها الشب يلي ناطر شكلو جليل

بيظهر من منظرو عابر سبيل

اشو غبي ما بيعرف قلبي عليل

خمسة قبلو جربوا قلبن ذليل

هلق انا عايشي مع واحد خليل

لو بيصرلي هلق غيرو باخد بديل

 

هيا يهودي بس بيحكي قليل

 

يسوع

شربة مي بحياتك من ها الجرة

حسنة لرجال ما معو وعي بالمرة

السامريي

يهودي وشربة من سامريي

ما عم افهم شو ها القضيي

من امتى تصالحنا شو ها الخبريي

 

يسوع

كنتي عطيتي مش عا رفي الهديي

انا مي من عند الله عطيي

لوطلبتي كان عطاك مية الحيات

لعاطول فيكي جاري بعد الممات

 

السمريي

شو معتر بعقلو عا بيحلم ها الشب

وينو دلوك كانت المي بتصب

شو انت احسن من بينا اسرائيل

عمر البير واستعملو كم جيل وجيل

وشرب منو الطرش وحتى النزيل

 

 

يسوع

ميتك حيويي بتروي الغليل

وبتنفع العطشان وبتسقي قليل

مويتي سماويي باهرا بتحيي العليل

طلبي شي كاسي من مويتو ولنو قليل

ويلي بيشرب منا ما بيرجع عا ها البير

وموتي سماويي بتسرح سلسبيل

وها العطيي ثابتي طعما طيب قرير

والجودي عاليي كتير ما في لها بديل

 

السامريي

عندك ها الموي اعطيني بلا عذاب

هيك بشرب منا انا وبسقي الحباب

وما بعود عا ها البير بالشوب اللهاب

وما بحمل الجر عا كتفي  وظني ما خاب

 

يسوع

وينو رجالك ليش ما بيجي

روحي عا البيت يا الله اندهي

السامريي

انا ما عندي رجال بالبيت

 

يسوع

صح يلي معك اليوم هويي صديق

وهميي ببيتك ساكن معك رفيق

وخمس مرات فشلت معك الجازي

وحوحشك واحد وصار الك عشيق

 

السامريي

كيف عرفت بيظهر انك نبي

كنت مفكرا انا قدام واحد غبي

تضيع الشنكاش غيرت الموضوع

حط ايدو عا الجرح والوجع

عرفت انو عرف نفسا ميتي من الجوع

 

سألت

مين معو حق السمريي او اليهود

يلي بيتقاتلوا من عهود وعهود

بيجور العبادي عا جبل جرزيم

يما عبادة الله بتجوز بس باورشليم

يسوع

انتو ما بتعرفوا الاله لبتعبدوه

اليهود كملوا التقليد وحفظوه

الحقيقة ساطعة حلت مافي بديل

وانتشر الخبر السار الانجيل

العبادة الحقيقية حلت بها الجيل

حاضرة اليوم بحضور عمانوئيل

والحقيقة  اسطع من السامرة واسرائيل

 

السمريي

المسيح وعد الله لشعبنا لهيئة طل

هوي بخبرنا بواعيد الله ورحمتو للكل

 

يسوع

انا هو زمان المسيحاني الموعود حل.

 

 

 

Created with The GIMP