لعنة نوح

1

 

 

 

 

 

 

شو قصة ها اللعني

لعنة نوح

من بعد الطوفان بتعرفوا شو صار

نوح جمع خشب وقش وولع نار

وقدم ذبيحة للسلامي تقدمي

بعد ما ظمط مع عيلتو من الاخطار

2

من بعدها زرعوا كرم عا كل شوار

عركوا بالطين وعملوا كتير جرار

وصاروا يعصروا بعد قطاف الكرم

ما عرفوا شو بيعملوا بالمسطار

3

 بلشوا يصبوا بجرار الفخار

تا تقوا  وتهدي كل المستار
بدها جبل وكتير تعريك
وبعدان بيشوها بالنار
4
وشو بيعملوا بكرم التين
خافوا ليروحوا التينات
شو بتعمل يانوح المسكين
تا يهدوا كل ها الشتويات
5
تين مجفف وزبيب شو نقولات
ومن عصير العنب اجو الدبسات
ورقدوه بالغلي بالدست على النار
بنهارها وقدوا الحطب وكل السيكونات
6
شرحوا التينات وجففوا العنبات
وعا النار انغليو العصير للدبسات
وبدنا نشرب النخب  بالاعياد
ما عرفنا كيف اجو العرقات
7
بالكرك اخترعوا الكركي
وصارت ها الكركي بركي
وعن يتباهوا بها العرقات
وزادت شوي ها الحركي
8
من بعدها عمروا حجار
تايشكروا ربنا شو صار
وصاروا بعدها يشووا لحم
وصاروا يشربوا كل النهار
9
ونوح صار يشرب المسكين
وما عرف تخمرو بجرار طين
وفشلق وحكي كيف ماكان

ومشهد نوح  كان كتير مهين
10
وبالشرب بتعلى كتير الحرارا
والخمرا متل الجمرا والنارا
استحوا اللولاد المساكين
ما عرفوا سبب ها الشرارا
11
ما عرفوا منين جايي ها السر
استحوا المشهد كتير مر
ما عرفوا شو سر ها المسطار
ما بيعرفوا بالراس بيحر
12
المسكين نوح صار عريان
مشلهب عا الشرب منو بردان
يا بيي ولو حط ها الحرام
نوح ما خلص صاير فلتان
13
وحضرتو ما سكت الابن حام
صار يتقل ويجفي  لبيو كلام
سام ويافث زعلوا كتير
سببت للعيلي الام
14
صحي نوح من سكر مجنون
استحى من نفسو انغش بالمسطار
ما عرف بس يعتق بيصير مسكون
عرف بالوقعا عقلو ليش طار
15

 وحام الصغير كان قليل التهذيب
اسلم بيو السكران شي معيب
ما استحى لمن بيو كان عريان
ما كان عندو درايي ولا لبيب

منهيك لحقتوا اللعني لكنعان
يلي هشل  وهج وين مكان
عمر سفن وصار  تاجركبير
الله باركو ولو  مع بيو غلطان