بمناسبة المئوية لغرق التيتانيك

 

 

 

 

 

 

 

 

 

ليش من لبنان راحوا كتار

كان الحرير اسعارو كسداني

وبتعرفوا ارض حردين كلا حجار

وصار كل الحرير ببلادنا اميركاني

 

بعدني انا لليوم فيهن محتار

قبل ما يموتوا دبكي وغناني

وراحت السفيني وغرقوا صغار

كانت قلوبن بالحب ملياني

 

وكانوا يحكو عن هاك الختيار

عاطول كان حزين عيونو دمعني

ابني اختفى وعيلتو مالهن اثار

بعدو مفتاح بيتو بعبي اماني

 

قالوا لقمة الناس عاطول مغمسي بالدم

وليش ما تغمست بعد ها الكارثي  بالهم

يلي صار راحوا  مع البضاعة والشحن

شو ها السفرا شينطلي واكل سم

 

راحوا

 

عا خيرة العدرا  جوات سبع بحور

ياما صرفوا امار جرجس ندورات

وحرقوا عن نيتوا كتير شمع و بخور

ما هم قلال كتير كانو المصريات

 

شو كان صار بقلب جبل لبنان

قالوا نيال لعندو مرقد عنزي كان

راحت بوقتا مواسم العز  وكل الحساب

تغيرت الناس بالسفر وين مكان

 

مادخل هلون ولا بطرس بكل الدعايات

ما فتشوا تا يعملوا جاهاك بهاك السفريات

كان عندن هم كسدت مواسم الحرير

بدنا نشطح لبعيد ونجيب شوية مصريات

 

قطعوا من بيروت وراحوا المساكين

وبقلبن وبعقلن البيت والارض بحردين

صعب كان السفر ما بيعرفوا الوين

تيعيشوا بالشغل والقهر وبعدها راجعين

 

وبالاسكندريا بصير للمراكب تبديل

وبكفوا طريقن عا مرسيليا منو قليل

وهونيك بروحوا بسفرا عا البلطيق

التيتانيك بافخم سفيني  ما عندن دليل

 

الغني ما التقى بعازار  لكان  عا الباب

المسافرين كانوا معربين  لعدة اسباب

الناس ما التقوا عا السفيني المسافرين

غير المأسي ما بيلتقوا الفقرا بالارباب

 

وكنا منعرف من جمع بالاخر الحاضرين

غير المأسي وكتار ماتوا فيها معزبين

ما توفرة لطتار سبل الخلاص والنجاة

وما نزلوا ها الناس لكانوا من حالن مليانين

 

شو بدي قول تا اوصف هاك الاحوال

كان في طبقة مريضة محتكرا المال

سفر وقمار وسكر وعربدي وحفلات

دماغا وقلبا عايشين بالكبريا ما في مجال

 

وبينحكى عن الف ليلي وليلي من زمان

عا ها السفيني كنوا يرددوها سهرانين

ولاد حردين كانوا تزكروا قدوة الرهبان

وكانت خبار حلوي من قلبن فرحانين

 

كانوا فيها الناس طبقات تلاتي مفصولين

طبقة ثريي برجوازيي ولاد الزوات

ما خصها بالتعب والفكر كانوا مغنجين

وشايفين الناس برغش معن حكايات

 

بطروا من الفحش المتفشي ومتغطرسين

ما دخل ولا سرعل معن ولا تنورين

لتعودوا يفتوا الصخر ويقبروا الفقر

بالطوابق السفلى كلن كانوا اللبنانيين

 

انتوا يا ناس بخدمتنا يا مساكين

ما فيهن يفتحوا تمن من الغنج

وتعلموا الكزب وصاروا كزابين

وبتعرفوا ها الكزبي عملت بنج

 

سكرت دماغ كتار من ها الاكابر

والقدر بها السفر كان علين جاير

راح الفحش والغنى واختفت السراير

لافي فرش ولا تياب ولا حراير

 

انتوا تحت ونحنا كل عمرا حاكمين

كنوا شركا عنا وانتو كنتوا مزارعين

وحضرتن يا ما ظلموا وشغلوا اطفال

تتكون الن الثروات اليوم فيها متنعمين

 

بطرس وزهرا وهلون وبدرا طامحين

يتعبوا ويشقوا ولقمي بالدم مغمسين

ياما ناس حملوا الكشي بكل البلاد

وبالاخر ارتاحوا وفتحو بوكسبري دكاكين

 

انا بعرف ها العجني من واين جايي

من ارض طاهرة نسقيت بعرق ودموع

ما بعرف ازا انحكت للناس الحكايي

وكم مرا مرق شعبنا وفوت قطوع

 

ما هم وين بيكونوا بالشحن مع البضايع

ها الشعب ما عرفنا هوي  متل الدهب

وين ما نحط بيلمع بين دين الصايغ

كتار من المسافرين منن اخدن العجب

 

كانوا بقلب ها المطرح الوضيع عم يحلموا

 

شو بتعتقد كانت تحلم بنت من لبنان

ببيت متواضع بارض السنديان

بس شو صار  بالتوت بالحرير

الارض ما بتكفي تيعيش الانسان

 

وبطرس وحنا ويوسف ومنصور وسمعان

جايين بحماس يشتغلوا ما هم وين مكان

واليوم متوفرة باميركا  اليد العاملي

الله يبارك شعب الانكليز ومعو الاميركان

 

جابوا معن من الضيعة كتير زكريات

وخبروا بعضن عن نعمة الله عمل ايات

وبيعرفوا خبار خيو الكبير ليشع الحبيس

معن خبار شربل الناسك وكل الاماتات

 

قولكن كانوا باضخم سفيني كانو مأمنيين

التيتانيك كان اسما مفخرة القرن العشرين

ما هم قديش كان الطول وكل ها الدعايات

انو عا نيورك بعد كم يوم هني واصلين

 

بعز الليل السفيني بتغير هاك الاتجاه

نقزوا لكانوا بعدن من السهرة مسربين

شو صار اسم الصليب وينك يا رباه

صار كل الركاب بها السفيني خايفين

 

ركعوا كلهن عا الارض لربن  ضارعين

ياربنا ما تسمح بالبحر والجليد نموت غرقانين

بكفي اول مرا نحنا ما سمعنا  اليوم قداس

وما لنا كم يوم بالقيامة ابنك محتفلين

 

دخلك يا سيدة البحار لعندك جايين

بتوبك الازرق متل اللولاد مكبشين

اشفقي علينا وما تحرمينا من الحياة

ومار جرجس وينك انت يا قاتل التنين

 

يا جماعة قال بطرس نحنا خاطيين

ما بتتزكروا يونان  لطي مع المسافرين

هاج البحر وحضرتو ما عرف شو صار

ما ارتاحوا من النو  شو كانوا خايفين

 

بلعوا الحوت بهاك العتم بقلب الليل

وارتاحو البحارا من النو والويل

وتاني يوم ارتاح البحر من النو

وقف الشتي والغيم واختفى السيل

 

ما شفت يا انطون كان البحر متل الزيت

وقلنا منتمني يكون هيك عاطول يا ريت

والسما صافيي كتيير بتعد النجوم

بس يا جماعة شو ضرب بالحيط

نحنا كلنا بعدنا من جمعة معيدين

جمعة الحاش كنا بالكنيسي مقضايين

ما في حدن عاصي ربنا متل يونان

وبتعرفوا نحنا منعرف بعضنا ولاد حردين

 

هدا البحر بالشتي كلو بيصير جليد

وفي مطارح بيصير متل جسر الحديد

قلقن بعد في شي جبل متل البولاد

الباخرا كبييري ما هما راسا قاسي شديد

 

انا يا انطون خايف شو بدو يصير

تلبكوا المسؤولين وغلطوا بالتقدير

ليش ما بعتوا مركب قدامن كشاف

تنصير اليوم بالبحر بخطر المصير

 

وشوي سمعوا تحرتق جرس الانزار

طلعوا لفوق ولبسوا تياب الاحتياط

بسرعة تحركوا وهدا بسرعا صار

وصاروا الناس يخابطوا وعلى العياط

 

بدن بالليل يواجهوا الموت غريق

هيدي صلا بيعرفوها من زمان

لا تموتني كمان مشحشط عا الطريق

شوفوا شو خطر الوقت وهدا المكان

 

معتر مسكين من زمان ها الانسان

بيفتخر بانجازات وبيرتاح بامان

بتتزكروا كيف تعمر برج بابل

ها المطرح عجيب بقهر الزمان

 

وشوصار بعدهااختفت كل الامال

راحت البابل والمنائر وصرت اطلال

واختفت متلو كتير من ابراج

ماكنت الصدمي تخطر عا بال

 

شو صار فيكن يا اهلنا يا مساكين

راحت الاحلام وما  في رجعا عا حردين

ومتار وعي بالسكرانيين شعلة الايمان

وركعوا عا ركابن ودب الهاع خايفين

 

راحت كل هاك الاحلام وراح الامان

بس عا الدبكي مسكوا يا اهل حردين

نحنا الحرادني  ولاد القيامي والايمان

انحتنا بالقداسي منزمان بروح قنوبين

 

وهيك صار تحولوا بهاك الليل ابطال

ما بقا في عندن خوف ولا كانوا معبسين

بس بالفرح والعزم واجهوا الاخطار

متل ما نشويوا منزمان المكابيين

 

تنفاتحين ترعيك بوريش لم دلعال

فتحي بوابك  يا اوروشليم  وسعيلنا الدرب

نحنا اليوم عا اميركا ضيعنا الطريق

قبل منا من زمان مشي عا درب الحب

شارة الظفر والاسرار حملينا بالقلب

وقالوا المسبحا ورددوا كل الاسرار

و كل الابطال لسمعوهن من السنكسار

وقبل الكل مار شينا ومار جرجس الشهيد

ومار نعمة الله وشربل وليشع وكل الابرار

 

بهاك الليل كتار سمعوا ااحلا خبار

تطلعوا كيف بيموتوا القديسين الكبار

ويما ناس كانوا فاقدين الايمان

دب الرجا والمؤمنين صاروا كتار

 

والاكابر صاروا بها الليل مساكين

نسيوا السهرات والعزايم والقمار

شافوا حالن بهاك الليل فاضين

ما عملتلن شي يلي مصرياتن كتار

 

ومين بدو يظمت من كل ها التعتير

يلي انتكلوا عا الانسان ونسيوا القدير

كل معرفة مهما كبرت بضل ضمن الحدود

ما قدروا العواقب وفكروا بسوء المصير

 

يلي ضرب ضرب ويلي هرب هرب

وليش ها التيتانيك مصيرها هيك انكتب

وكتار ما خصن بالبهورات ولا شوفة الحال

راحوا ضحية اهمال وانسان فكرو انعطب

 

ليش كانوا المسؤولين عن ها السفيني مهملين

لا سمعوا انزارا بالكبريا حالن كتير مقدرين

وبسرعة وحمولي واكتر من العادي مسرعين

وصار بتم البحر بسرعة  كانوا غرقانين

ما في غير اهل حردين عرفوا لوين رايحين

ما خافوا من بعد ما عرفوا كلن مخطرين

حتى بقولوا كيف ها البنات بالموت مكبشين

ما بيتركوا الشباب وحدن يكونوا غرقانين

 

لي زمط بعد ما تسارعوا  يخلصوا المنكوبين

كانت كارثة صابت كل الهندسي والصناعيين

هاك النكبي بالبحر ما عاد من الاهمال التكررت

وقلوا لبعدون بمالن وشطارتن ما عادوا سكرانين

 

وقبل ما شق ها الفجر وطل علين الضو

ناس مساكين ماتوا واندفنوا كتار

ما كان في غيم والبحر خلي من النو

وياما ها المقبرا حافلي بالاسرار

 

هدا كان بدوا يعمر بحردين حارا

بعقد مصلب من مقلع خصوصي الحجار

وهداك وحيد حنت عا خيالوا حجارات  بالبيت

وكيف تشجع يسافر قدام امو صورتو بالحيط

 

وعدوا الام ابنا معن عا سني راجعين

شو بدن يقولوا وبيرجعوا  حاملين

لام لناطرا يرجع بعد حد الجديد

كيف بدن يقلولا ابنك من الغرقانين

 

رجع طل النهار من بعد هاك الليل

من بعد ما تلوعوا الناس واكلوا ها الويل

صاروا من بعد هاك السنين يعملوا تزكار

وبعدن خبار التيتانيك عند الناس كتار

 

انا تاثرت كتير بكل يلي بالبحر صار

بتزكر ايمان شعبنا لما الو مثيل

ما هم ولا فكر مرا بالاخطار

دايما الايمان بسهل الطريق والسبيل

 

واليوم بالاخص عن تتكرر الاخطار

والاعدا كتار من وين مكان مجمعين

ومنا بسفيني عن تغرق وبقلبا ولعت النار

والقادة بقلبا عاطول بالمناحرة ملهيين

&&&&

ما سمعوا ما قريوا ما انتبهوا من الاشارات

الانبيا حكيا والاحداث كم مرا لها تكرار

ما فهموا ولا انتبهوا ولا شافوا ايات

وصلت علينا اليوم الاخطار بقلب الدار

88888

مع شق الفجر الغميق

اختفى بالليل الصوت

كانت كبيري الكارسي

ماتوا بالبحر خنيق

وقلال وصلوا عا اليابسي

كم شب اختفوا بالموت

من ايجا التنين العتيق

اختنق الامل بالبحر

وراح بالمحيط غريق

انا قدام خبريي صحيحة

ام خبريي جايي من الاغريق

وقالوا لا غريق ولانار

بيقدر يغرق التيتانيك

قالوا مرقنا ببحر الظلمات

واقطعنا بحر البلطيق

بلش الكسر عا الطاولي يهتز

ونطبش الصيني والسيراميك

قالوا ربان كتير ماهر

وممتاز معوا ها الفريق

ونحنا من زمان بقلب البحر

تقيدنا بالسفن كتير عريق

88888

زكريات من التيتانيك

كيف وصل الحبر عا البلاد

تلغراف وصل عا كل الدني

في تليني اخترعو من كم سني

وصلت خبار البين عا حردين
ضيعان  الشباب راحوا من الدني

 

بيظهر وصل الخبر بالكنيسة الحد

قالوا انكبوا واندفنوا بقلب البحور

كان الخبر محزن كتير ها القد
ماتوا ما شالوا عن نفسن البخور

قالوا السفيني كانت اقوى من الحديد
شايفينا متل تنين ما بهما موج وغريق
لابيهما تلج بتمشي وبتشق الجليد

وبتفتح بقلب الجبال اليابسى طريق

 

قالوا كتيرا عنا واحتفلوا بهاك العز

قالوا مديني عايمي عا وجه  بالبحر

ما هما العواصف قالوا  ما بتنهز

وهيدي بعدا الوحيدي بتقهر الدهر

 

بس ما بعرف شو صار بهاك النهار

ما قدروا عا النيويرك وصلوا ها المشوار

راحت احلامن غرقوا  بقلب البحور

انتطمروا ها الكنوز التميني الكتار

 

قالوا الكنا ناسات خواجات  كبار

وكانوا يشربوا وسكي وياكلوا كافيار

مساكين شبابنا راحوا بعدن ولاد

اكبرا واحد خمسوعشرين الختيار

 

مسكين يا شحارو بو منصور

السني جابت عنزتوا احلا ساعور

ناطر منصور تايرجغ سنة الجاي

المسكين بدو يعيش كل ايامو مقهور

 

ومساكين ها البنيات لي تشنطلوا

وماتوا كتار جوات سبع بحور

كانوا تجوزوا بحردين وما تعطلوا
عزرايل كيف فات عليهن  بهالمعبور

 

وزهيي كانت بنت اقوى من المنون
ما قبلت تخلص وحدا وبطرس غرقان

رجعي يا زهيي صرخ بصوت مجنون

ما بقبل عيش نهار براتك ما عندي امان

 

روحي يا روحي ليش منموت تنين

انا رايح من ها الدني فيك فرحان

رب السما بيرعاكي متل الجفن للعين

بعدو قدامك طويل كتير الزمان

 

ولوين بدي روح ما بتركك غلطان

انا معك بموت ما برجع عا لبنان

اهلك بدن يسألوني وين بطرس راح
بقلن بقلب البحر مدفون قلبي كمان

شو بدن يقولوا اهلك لاهلي وصار

بطرس وما رجع معك من المشوار

وين تركتي بالعتم تفركش بالليل

وقع من الباخرة بقلب هاك المهوار

 

قرنصوا تيبسوا ها المسكين

راحوا دنيق شمالي بيقطع المسمار

راحوا ضحية كنفشة متكبرين

و بالملاحة الحديثة وصمة عار

 

منين جات كل ها الاخبار
رسايل من سيلين لضيعة حردين
ها المسكيني قديش بكيت سنين
عا عريس غرق بهاك القطوع

قضت كل سنينا بكي وانين

 

انا ليش بقيت تا ابكي لي راح
نحنا من أمن بالسما استراح
بقيت انا حاملي  ها الزكريات
عا اختي غير مع بطرس ما بترتاح

 

راحت رفضت تعيش بها الدني
مصيري ما بطرس من عمر الولدني
شو بدكن ياني ضل بالحياة للعزاب
مافي غير قلب بطرس بيشدني

 

وكان معنا مبارك لكان شماس

مرافق البطرق لكان معو من الاساس
قرر السفر معن  عا بلاد العم سام
عن نتفي كان تلوع من هاك الكاس

لطي المسكين تحت هاك الفسطان
لابستو فضة باناقة وجميل كان
شفقت عا المسيكين لبمطلع شبابو
وكيف خلص مطمور بين النسوان

 

واسعد كان طفل زغير بهاك الزمان
شليطا الحرديني كان من الشجعان
شلحو بالفلا حدن لقطو بالقماط

زمط من تم الموت و بطون الحيتان

 

وصل ها الصبي بكرباتيا بامان

على نيورك  وصلت بحالة جنون
وينو الصبي اسعد راح منا كمان

رجع الامل بس لمحتو الام الحنون

 

99999