النبي عاموس

 

ها النبي كل عمرو مغمور

ما بينحكا عنو الا القليل

راعي  بتقوع لا ححظ الجور

 مع الله من الناس بقي القليل

بها الدني شو صار بهاك الايام

زلزال رجفت الجبال والاكام

بعهد عوزيا الملك ويربعام

صوت رجف المراعي والاغنام

في جور بالدني وظلم وين ما كان

قديش كانت  سودا كتير هاك الايام

ديني سودا وشعب عايش بالام

النبي نقزتو هاك الزلزلي

وشاف انو الله بقلبو حط الكلام

بلش متلنا بارض الطاغيي الشام

كان عندن موارج حديدية للانتقام

زحنوا جلعاد بدون شفقة عا بشر

وناموا بنشوة النصر يا سلام

نار جايي عا قصور الحاكمين

لوين بدن يروحوا  ها الظالمين

ومن ديارن بتروح الحمايي

واستصل نسلن كلو ها القاتلين

وغزي الفاسدي لوين بدا تروح

يلي هجروا الناس عا المفضوح

وسلمون لاودم للزلال والرقيق

مارح يبقى حيط حتى العتيق

والملك العظيم العاتي بعسقلون

ومارح عوف العصيي عقرون

بدي صفي كل الناس بفلسطين

القساوي الكانت ضرب جنون

وهلق جا دورك يا مدينة صور

وين  الود اسرائل لكان من زمان

اسوارك الناربتولع  فيها الكور

فكروا انو بارضك في امان

وما نسيت اودوم قال خي اسرائيل

شو صار بالصداقة السيف بديل

ما في شفقة بالقلب على القريب

وانزرع الحقد والغضب سبيل

وشعمل ال عمون بولاد جلعاد

فزروا الحوامل والروح باد

تيختفي بالمطرح كل كائن حي

وتصير لعمون كل البلاد

عمان بدا تزول بقوة  بالنيران

والقصور بدا تدوب والصولجان

مارح يبقي ولا واحد من  الناس

والناس بدا تقول وين كانت عمان

عا ملك ادوم شو ها القسي لصار

كلسوا العضام من كتر الحريق

موأب وين بتروح شو عملت بالجار

انت والقاضي والقائد ما في طريق

ويهودا انت جايي لعندك الدور

وين ها العهد والشريعة لعاطيك

رايحة بيوتك وشوارعك والقصور

كزبتي علي وما بقا في ثقة فيك

وها الشقية العاصيي اسرائيل

شو ها العدل والحق لتحقق فيك

راحت الشفقة من القلب ما في ضمير

بنعلين تمن المسكين المحتمي فيك

والبرطيل ماشي وبالعدل في تقصير

البار بالفضة  بينباع لمين بيشكيكي

عارف انو انا رب الرب القدير

نسيتي انا من زمان شو عاطيك

بالليل الابن وبيوا بيتمتعوا بصبيي

وبيرهنو تياب   وبقدمولي هديي

نسيوا كيف شلتن من العبوديي

واربعين سني دربتن بالبريي

 يهودا لوين بدو يهرب اسرائيل

ما راح يخلص من الكارثة الا القليل

كل ها السلاح الكتير وكترها القويي

ما في غير الهريبي عندكن  بديل

***

كنت عم قدس وكانت الى كلمة من الرب

حطيت فيكم روحي اماني

رجعت يار اليوم تزكرت

لمن كسرت اليو القرباني

ولعت بقلب رسلي النار

لمن كسروا خبزك تزكار

وبقيت هاك الجمرا ولعاني

تزكر شو صار بهاك النهار

كانت بواب قلوب مسكرة

وبقلوب كانت معتمي ولعت نار

وقفت بفجأة بقلب هاك الدار

خايفين بغدن عا يلي صار

بعدو هاك المشهد المروع

ولعنة الشريعة صليب العار

وشلطت من صدورن الخوف

وزرعت بقلوبن الخيفي  الامان

يا رب هدا كان من زمان

ليش يارب ما بتولع نار

بعد القلوب خيفاني وبرداني

وبعدا العنين فيكن نعساني

وعقولكن صارت كسلاني

وبعدنا ما عرفنا شو صار

ساعدنا يا رب زيدنا ايمان

تا ترجع لقلوبنا الامان

وجدد بداخلنا قلب الانسان

بقي معنا يا رب راح النهار

يارب ، عطيت لتلاميزك علامي

كسر الخبز بقيت عنا اماني

كلفتني انا بكسر ها الخبز

خلينا يارب نختبر القيامي

ها التزكار لا زملو كتير تحضير

هيك بسرعة ما في شي بيصير

لوما سمعوا وخرق الايمان

ما كانو عرفو بقيامة القدير

كلمة خارقة متل شي سيف

ما تضلا عا دماغكن شي طيف

ما بثبتها بالقلوب الا التزكار

يلي بحول بالقلوب شوق ونار

يا رب بقلبي برفع الشكر

وعلى شفافي طعمة الزكر

صار القربان زوادة النهار

منصمد بالقساوي ولاخطار