الم ايوب

 

 

 

 

 

 

 

ليش سمح ربنا للشيطان يجول بالاقطار

تايتصيد عا الطاير كل ها الناس الابرار
حسد يما ضيقة عين يشوف حدن فرحان
لازم ينوسم بالكآبي وينكوي بمرض نار

 

هيك بيكون الاسير تحت سلطان الشيطان
لسانن فالت عا الكفر والسب كيف مكان
وهيك بيخسر الانسان من ربنا ها الكنز
وبنتظر الموت بدون رجا وبيختفي الايمان

 

اليوم القصة معروفي عنا ووين مكان

قصة رجال مستقيم وشريعة ربنا منصاني
ايوب يلي انضرب بالمرض وبقي من الشجعان

وبقية محبة الله عاطول عندو ترس وحصاني

 

وهيك انبلى ايوب وبالبرص وصار جربان

متروك من اهلو بعيد مشلوح بطرف بستان

مرتو كانت استسلمت ما قدرت وقفت حدو

واصحابوا القراب وقفوا معو وقفة جبان

 

بس كانوا الناس يكونوا عنو مخفيين بعاد

كان يوقف موقف عتب من الله عن بيشوف

ما بعرف ازا ربنا بعدها خلقلو عقلات جداد

تيتطلع بعين جديدي وصبرو للناس موصوف

 

بحالة المرض واليأس بلش ايوب بالكلام
شو صعب المرض وقديش المسكين عد ايام

الموت كتير اهين من البكي وكوي النار
الجحيم اهين من الاوجاع بلكي بيرتاح بسلام

 

في يوم انا ولدت وصرت بها الدني انسان

ياريت ما فرحت امي وستعدت للجنين

وفرحوا بمولدي كل الاهل والمعارف والجيران

بس اليوم من بعد ما صار انا مليان للموت حنين

 

هاك الليل لبشروا فيي كان ملعون مع النهار

لا كان طلعت علينا الشمس وفرحوا بالدار

قالوا بشارة حلوي جايي عا الدني صبي
وزعوا نقولات وحلو وفرحو ولاد زغار

 

وليش انا ما مت وبعدني جنين

اليوم احسن تا سمع الكون انين
كان افضل روح بهاك العتمات
ولا يطلع عليي الضو وانا حزين

مكان احسن موت قبل هاك البشارة

ولا ركب اميي تحملني للرضاعة
ما كان افضل موت عا بكيير
ولا اليوم بالتعتتير ومرض وشناعة

 

متل شجرا سقطت من الشوب الزهر

ولا هلق متل ما شافين انا حامل قهر
مين بيقدر يحمل هيك شقا وبهدلي
صارت ايامي طويلي ودموعي نهر

 

مين متلي بتحمل حزن وهيك شقا

ايامي طويلي بالتعتير  بدي موت بقا

بنادي عزراييل ما بقا يسمع تا يرد

في حدن بها التعتي بس متلي ما التقى

 

مين بيقدر يزين تقل ها الكرب
وتعتيري شو تقيل اتقل من الغضب

مين يقدر يقيموا ويحطو عا قبان

متل رمال البحر كياني عطب

 

منشان هيك كتر عندي الكلام
وما  بتعرفوا شو عن اتحمل الالام

سهام موجعة بجسمي من ايد القدير
كل السموم فايتي علي كل الاثام

حمار الوحشي ما  بشهنق بالرعايي
ولا الفدان مربوط  بمعق عا معلفو

وانك يا الله طالب منك بكل عنايي
البشر بشويي قليلي المادي ما بيكتفوا

 

راح الامل اختفى مع كل ها  الاوجاع

والقلب من كتر المرارة مبقى في يساع

ليش يا الهي غاضض عا تعتيري النظر

راحت   والافراح ودب اليأ س فيي وساع

 

ولو يا رب منك شايفني انا انسان

لا انا حجار ولحمي نحاس للبنيان

ما بقا في عندي بجسمي حيل

ولا فطيني بالعقل تا تحط فيي امان

 

وشو عيشة ها المريض المكسور

ما بيعرف اذا نمت عا فرشتي بقوم
ما بيغط جفني بالوجع مغمور

ما بعرف ليش انا ها القد مظلوم

 

جسمي عن ينهشوا كل يوم الدود

وناطريني الجوارح وغربان سود

وجلدي انتفخ وطلع منو القيح

ليش ما بتخلص ها العمر المحدود

 

ليش يا رب ها القدي لاحقني باللكمات

اعطيني لهت تا اقدر عبر بها الكلمات

اذا كنت انا خاطي شو بأثر عليك

وليش صرت انا مكسر عصا والضربات

 

تركني وحدي حاج عا طول ملاحقني

تركني خليني بالقبر اليوم ارتاح

وهيك بترتاح انت وبتبطل تلحقني