“وأما أنت فاصح في كل شيء احتمل المشقات إعمل عمل المبشر تمم خدمتك.” 2تموتاوس5:4 But you, keep your head in all situations, endure hardship, do the work of an evangelist, discharge all the duties of your ministry.

ها الايي اخذتا لكهنوتي شعار

من هيك ما بنهز ولو شو مصار

عندي ربنا مثبتني بالرسالي

ولو تنقلت بالدني بكل الاقطار

ناس قالوا شوفوا كن بيهدي

قبلت انا كل القسا والتحدي

قالوا عقلوا عتيق من الشمال

مخو صخر ما بتكسر بالمهدي

 

كل ها الحرتقات ما بيعيرا الاهتمام

ولا بيهمني شو بينقال بالاعلام

انا عاطول ثابت مرتاح الضمير

لا بخاف من القويي وكل الاوهام

هيك تعلمت من الاول بالبدايي

وكان شعاري عاطول ها الايي

وشو ما حرتقت الرياه وزمجرت

الله عاطيني درعو للوقايي

والوم انا عن احتفل باليوبيل

مضى عا كهنوتي اول جيل

انشالله قريباتتحقق المواعيد

وتبقى بقلبي افراح الانجيل

قالوا هدا ارتقا وصار ساعور

وانت بعدك مطرحك يا مقهور

بعتوك يا مسكين عا ارض الرسالي

بدك تزرع الرجا بارض بعدها بور

شعاري اخدتو وكان الي الهام

وفرحت كتير وكان بقلبي سلام

واذا وقت الكنيسي بلا رسالي

تأكد ناطرا بعد مدي درب الالام

واليوم المارونيي بمخاض عسير

عن تمتحن بكيانها وهيتها والمصير

وعا بكركي كتروا عاطريقها الزوار

وكل زعيم لمصلحتو لاحق قطير

الله يساعد بطركنا كتروا الهموم

وعندو مستشارين شو مظلوم!!!

وعندوا هم زعيم حس بطعم الرياسي

عن يزرع زيوان وبيرش كل السموم

بونا غطاس