.شي بيزعل

ما شفت  شو صار بالنجمات

ولا ضو القمر كشح العتمات

ونسيت  الغيتار  والانغام

وانتبهت بردت النسمات

2

ما بعرف منين اجا ها الفتور

من بعد ما غابت الشمس

قلت هلق فرصة شح النور

سكت وعامبسمع همس

3

تكربجوا الايدين عا الغيتار

اجا الليل من الحزن لح انهار

متل بالموسم بيجي عصفور

بياكل اللقط وشوي قالوا طار

4

ليش بدي دق افتح جروح

وطلع الم  وتنزف جوا قروح

انا انخدعت  لمن دقيت مبارح

ونسيت وتركت قلبي الك مفتوح

5

انسيت  مرق اخد لقط عابور

انوجعت  خدت ما تركت موني

انا زعلت و قلت شو ها الجور

وليش  وين النغم بتلوموني!!

6

راح وجرحي بعد ما انشفى
شو ترك من بعد ما اختفى
قلب نازف ولوين راح

ساح مبارح عا بلاد فيها دفا

7

عم بخبر الحاضرين كيف اختفى
دحكوا الحاضرين ها النوع عابر
مش عارفي يا حلوي ما عندو وفا
بيكسر وما بعمرو شي كسر  جابر
8

بحبحب العناقيد الحلوين متل قلبك
وما بيترك  بالعنقود غير جروح
بيظهر يا حلوي وعدك كتير بحبك
وقلت ووعدك لغيرك حبو ما بيبوح
9
يا مسكيني قديش ناقصك خبرة بدك
ما بيكفي تعزفي  انغام حلوي عا غيتار
راقبي عصفور التيان من البستان لحدك
وهيك بيصير عندك خبرة تفضحي اسرار

***