راهب معدور

 
واقف متل النسر عا ها الصخر
حامل بعزم بايدو المعدور
شبشب ما ختيروا الدهر
فتففت بقوتو كل ها الصخور

الارض فرحت واختفى البور
قدام ها الراهب لتمم الندور
وعا الديات شو شقعت خفافي
كتبت تاريخ الرهبان بالنور

قدام قدسك اليوم شو منقول
الخير لقدمتوا بالعرق مجبول
وزعت عا الاديار كل الخيرات
قداستك علامي ها الخير مقبول

علمنا نحب ارض والتراب
وذكرنا هيي اغلا كتاب
نكتبت ملاحم بدم الاحرار
ما منهملها شو ما كانت الاسباب