بالسما منلتقي عا البيت رجعي
يا امي بصلاتك خليكي معي
انا قلبي صار كلو لالله
بالسما منلتقي كلامي اسمعي
انا برجا عن نحكي وهدا اكيد
بيي سبقنا وراح عنا بعيد
انتي يامي زيدي الوريات
بالسما قلبي وكل المواعيد
انا ندرت وتكرست للصلا
شايف نوروا اليوم بقبة الفلا
ما فيني يامي التهي عنو
قلبي بعد ندري منو انتلا
بدك يامي ترجعني عا الجوار
بعرف يا امي هموم ها الدني كتار
تركيني يا امي كون بفرد هم
خلي قلبي يلتهب بلهيب النار
اخوتي يا امي بقوا ولاد صغار
انا صغيرك صار ابنك من الكبار
تركيني ببيتي مع اخوتي الرهاب
انقب كروم الدير وانقل حجار
Post Views: 2,942