قصة الحية

تتتتتتتتتتتتتتت

قصة الحيي
1www-St-Takla-org__New-Church-Architecture-Paintings-35

 

 

 

 

 

 
ليش ها  الصدور بالصليب مزيني
و كل الكنايس صارت علامتها مبيني
ماعرفت  هيدي صارت راية الظفر

وبالعالم كلو صارت حقيقة  مبيني
2
انا بدي احكي عن قصة الحيي بالكتاب
وبدي افتح الباب للاسئلي لكل الاحباب
خلينا نعرف حقيقة كل ها رموز
ومنها الحيي القديمي كانت بالكتاب
3
كانت ساعة خير لمن صارت فوق
والناس تطلعت للشفا بحب وشوق
واليوم انا جايي بها الدني ملهوف
بلكي بفهم اكتر وبعدها بروق
4
جايي لعندك ملهوف تا لاقي شي حل
متل موسي ما تحمل النق وكتر الكلام
بعدما الايمان بقلوب هاك الشعب قل
كيف بدو يرد للشعب الهدوء والسلام

5

شو بدو الله من ناس كانوا عايشين
بالوحل والتبن كانو كتير مشغولين
عن يجبلوا طين ويصبوا طول النهار
بطونن بالكرات ولحم كانوا متخومين
6

ووشوي نقزنا موسى بهونيك نهار
بقا بدا عيشي بالعبوديي وحاكم غدار
عا بلادكن لازم ترجعو تعيشو بكرامي
ما كان بدا رتب وصلا وكل الاسرار
7
ما بتحرز لها البهدلي وتشحشط بالليلي
وبدها نزوح بالصحرا ونقطع موج عالي
ما كانت لازمي لنا  كل ها البهدلات
احسن بمصر نبقى نعيش عبيد موالي

8
وقبل الضو بدنا نجمع وناكل من ضجرنا
وبتعرفوا بهاك البريي كتير تعبنا وانقهرنا
دقنا المرارا كيف بدنا نرتاح من السفر
واليوم عايشين بالبهدلي وبالتعتير صرنا؟

9

وليش كل ها الناس معوعا الحارك تهوسوا
حكي وخطب هارون عا الحارك تحمسوا
وقطعوا بليلي عاصفي وشقوا المواج
واليوم بالشوب والتعتير صاروا يتحرقصوا
10
والشعب بعز الجوع والعطش صاروا يطبتبوا
بمصر بقلب العبوديي كانواعا القليلي يشبعوا
واليوم عايشين بالتعتير من وين بيجي ها الخبو

تمردوا بهاك الليل عاموسى كلاموا ما عادوا يسمعوا

111

لعند الله الحاضربالمسكن بهاك المكان
ركض موسى وركع قدامو وكلو ايمان
الشعب جاع ما بينحكم بالجوع والتعتير
نسيوا شو عملت معن مش من زمان
12

بس شبعوا وتارتاحوا بلشوا بالعربدي
ما حكمن بالسيف واوامر كتير مشددي
كان عندن كل الحريي والاختيار
كانوا ينسوا كتير وحياتن كانت مهددي
13
شبعنا من المن والسلوى وغيرن مافي مجال
وصاروا ينقوا ما بقا تعجبن كل ها الاحوال
وشسو كان بدها بس لالله نسأل ليش مطولين
ارض حفرا نفرا بدنا موسى يجاوب ها السؤال
14

كانوا عا ارض المعاد دايما مستعجلين
كل واحد ببيتوا بارض حلويي كلن معمرين
بيتعبوا وبيزرعوا بالامل بينطروا الغلال
واليوم باكل المن والسلوى صاروا ملزمين
15
فلتت عليهن الحيات بالليل العقارب
و صارت مناحات كتيري عا الحبايب
والناس بلشوا عاموسى يتذمروا
قلوا الالهك يكفي يعمل عجايب
16
يا رب بعدوا العامود بيضويي عاطول
تمردو عليك وعليي انا عليهن مسؤول
دخيلك اعطيني تا ارتاح من التذ مر والنق
بعرف الشر ضدي وضدك عن بيجول
17
صح بالصحر فلتت عليهم العقارب والحيات
وكتار من الشعب عا الحارك من الدعا مات
انا بدي حط بين الشعب علامي للرجا
تمثال للثعبان يرتفع براس الرايات
18
وهيك كل يلي بتطلع لفوق بتذكر المواعيد
ما بينهزم قبدام العقربي قدام الحيي شديد
وهيك صار لمن طل قوس القدح بالطوفان
قالوا الله بيخلص رجعوا انتعشوا عن جديد
19
معقول الحيي مصدر شر تصور علامة شفا
والصيدلي والدوا والطب علامة صحا عفا
هيك صار متل طبعنا يسوع ابنا الانسان
قدامو الشر ولعني والشر بصليبو  اختفى
20
صار لعني عا الصليب يسوع ابن البشر
وشو صار من بعد ما الخبر انتشر
تطلعوا يا ناس على ها الانسان عا الصليب
تأكدوا كيف انتهى سلطان القضاء والقدر

21

الخطيي سبب التعتير وكل مصايب الزمان
الانسان نسي التهى وفقد بعدها الايمان
والشر فلت من بعدها وعض كتار
تطلعوا لفوق وشوفوا علامة الايمان
22
وقت الليل بيصير اسود وشحتار
وبلبلي بالاعلام والرؤسا كتار
والناس بلش مبهدلين عضهن الجوع
طلعوا يا بشر تطلع بالقيامي النهار
23
وترك لنا الصليب النا للمحبي علامي
تا نتطلع عليه وبالقلوب عنا السلامي
وهيك رمز الحي صار الو تفسيير
مع الفجر صارت الصليب اقوى من كلامي
24www-St-Takla-org__New-Church-Architecture-Paintings-35