من الكتاب المقدس والحياة
تاملات وذكريات71 – download
12/5/2012
مار يوسف اريزونا
GHATTAS Khoury
القبر مطرح ما هيي جرة الفخار
لصارت مقدسي ورجعت للغبار
ما هم غني فقير شب او ختيار
ما اتكبش بها الدني متل الغني
راح تحت الارض ووعي بقلب النار
المؤمن حامل بقلبوا كل المواعيد
بالمسيح صار بعدها انسان جديد
الموت صار بوابي للسفر والعبور
يوم موت القديس صار الو يوم عيد
******
غزل2
طلوا علينا صبحيي ضحكوا الوردات
وراحوا من عنا هديي بعد العتمات
انت الوردي الجوريي استحوا النجمات
وصارو يجونا عصريي يرشوا رياحين
هالي مبارح بكونا بعد الاخبار
ليش بعدك بتلومونا عا يلي صار
ما عرفنا ليش تركونا وولعوا النار
والله لح بجننونا بنات الحلوين
مبارح عا عين الميي سقيتينا قلنالك خي
وصارت تحكي الجيري وبنات الحي
وقعدنا شوي بالفيي شمسا في كي
ما بتقولولي خطيي القلب بيلين
*****
صوت الانجيل
اذا صار الانجيل صوت وصدى
وكتاب شرائع وشوشي عا حدا
قول وصل الخطر هيوا للرحيل
اكسوا عا الشرق ما في حدا
الانجيل بيحمل نور وحريات
سيف بيخرق كل المحرمات
بيحملوه بقلبن كل المؤمنين
وبيبطلوا قداموا كل ها الخرافات
انا بحزن لم بسمع بالانهزام
ومنصير ندل عا زعيم واحد بينلام
القصة هي ثورا بالقلب والضمير
وهيدي حقيقا جارفي كل الاصنام
وبيحكوا كتير بالاقليي والاحباط
وما بينحكا عن الكلام لمن تحت الباط
وشو قال الناصري بهاك الاعصار
شو ها الخوف والهزيمي والانحطاط
لعبوا بالوحل وطينوا الاثار وين مكان
واطلقوا للسيف والكذب العنان
واليوم عن يتقاسموا جلد الدب
حصرمي بعينن بعدا ارض لبنان
****
مات الوما 4
مات الوفا ورمد الجمر بالنار
والحب انطفى بالقلوب شو صار
ما في وفا شو بيفضحوا اسرار
بدن شفى الدهر عليهن جار
دقوا الجرس فلتوا علينا دياب
اندروا لشربل وصلوا يا اصحاب
ضووا شمع وزيحوا العدرا
تا يرجعوا لاختفيوا من اصحاب
المحبي بالفدا فيها اسرار
متل الندى بالصيف بتنعش ازهار
حبة قمح بتموت تا ترمي بدار
بتزرع رجا اكيد بصدور الاحرار
*****
دعا الى العدرا 5
Ghattas Khoury ليش بعد نا لليوم ناطرين
منك يا عدرا بسلامك موعودين
ايفان لعنا جا حط فسحة امل
بساحاتنا بعدن الشياطين فالتين
انتي بتزرعي سلام بالارهاب
رسايل حيي جوات القلوب
كتار عنا مسكرين البواب
لا بتحيد عنا ولا بتوب
الصليب عند الهالكين محجوب
من هيك بعدا محجرا القلوب
والبرقع بعدو مسكر عا العنين
منهيك السلام ببلادنا مسلوب
34 minutes ago · Like · 1
36 minutes ago · Like
Ghattas Khoury بتتذكري بنص ايلول شو صار
السما انفتحت عنا بهاك المشوار
كانوا تلات تيام بالفعل تجلي
ورجعنا بعدها للحديد والنار
اجوا تاني يوم كل ها الغربان
لقوطوا الكلمات وحبات البدار
مش فاضيين يكفوا البنيان
سيدنا البطرك كان عندو مشوار
كان عا الحارك لو انزرعت الكلمات
كانوا عاشوا بقلوب كل الحاضرين
وكانت بعدها اختفيت الكذبات
واختفيت من ساحاتنا الشياطين
بشارة زكريا 6
(لحن يا ام الله كنز البركات)
بالهيكل شو صار
قالوا ولع نار
صار يحرق بخور
ربنا كشفلو اسرار
الله سمع ها الختيار
يوحنا اسم المولو د
رحمة الله بها الموعود
ويا الله شو حلوي عنا هيك خبار
2
عا المدبح بخور طلع بعدو نور
فرح وحبور
من السما جايي ايي تشرلنا الحكايي
قلبو متل المرايي يوحنا لعنا جايي
تيبشر بدو يطلع نور
3
متل مار الياس في عندو احساس
تيرد القلوب ويداوي منها المعطوب
ويخبرنا شو المطلوب ويذكرنا بالمحبوب
يا سابق فاتحلو الدروب لمخلص لكل الشعوب
HHHHHH
بعض الكلمات 7
شو ها الحلا ضحك بعز العتمات
شفافا صلا لمعت من هاك النجمات
ليش اجلى ها الليل مع الصبحيات
والكون انتلى بخور من القلب غنيات
وهودي الا من النجوم كل ها الزينات
\
القلب شهق ىندهش من بعد هاك الانتظار
قالوا الحبق زهي وعطر الجو بهاك النهار
الفجر اندلق طلع نور فضح اسرار كتار
والظلم بعو اشتلق وصار من النهار يغار
با بي طرق بعز الليل مشربكي الاحلام
ليش ها القلق تركوني احلم وخلوني نام
والحلم صدق وفرحت بالحب والايام
وعطرا عبق ونا بعدني لليوم قلقان
شو صار اليوم صح الحلم وهلق عشاق
صح نحنا جوز بعد زغار بالحب عتاق
ربنا زرع افراح بالبيت وبالقلوب حب وامان
*******
احلى بشارا 8
نقزت ها الصبيي من شو يلي نقال
من السما الرب بعتلك مرسال
افرحي اليوم يا بنت صهيون
حل الله فيكي ناطرك من اجيال
راح قلبا ونزاح من مطرحو
كلام قوي ما بقدر اشرحو
بنت عا قدي شو ها السلام
هيدي بشارا تا قلبي افتحو
الله ليش نقا بنت من الجليل
تتكون من اليوم فخر اسرائيل
ليش انا مختارا بين البنات
تا صير يلي بيصير عمانوئيل
بتعرف انا صبيي ناطرا ها اليوم
ومعرفي خطبتي بين القوم
صعبي كتير احمل لخالق النور
هيدي لبنت طاهرا ما فيها لوم
انتي الطاهرة وردة الشارون
ربنا نقاقي بحبو كتير مجنون
تيصير بين الناس المعذبين
وهيك بعرفوا كيف الله حنون
انا الله هوي القدير وجبار
كتير غير وحبو لاهب نار
كيف بدي استقبل ها الاتون
مسكيني انا جرة فخار
لا تخافي يا بنت حني واكيم
روح ربنا الخلق الكون العظيم
هوي بدو يرفرف ويحل عليك
وكل نعم السما وحبو العميم
من مدة ست تشهور حط ربنا علامي
ختيارا بعمر متقدم مع صبي بالسلامي
وبتعرفي اليصابات العاقر من القرايب
اكيد اكيد انا متأكد من البشارا و كلامي
وانت تذكري كيف ربنا حمي تابوت العهد
وهيك انتي صرتي وفيك بيتحقق الوعد
انت صرتي اليوم ام المسيح عمانوئيل
وبدا كلمة الله يصير طفل بالمهد
انا ربنا غمرني بنعم وعد من زمان
وصار فيي جوا جمر متل شي بركان
ما حدن غير ها الختيارا بتفهم اليوم عليي
بدي روح شوف جنى كرم يابس من زمان
انا خاممي كتواضعا شكرا بكل امتنان
غمرني الهنا بمحبي كبيري وعطف وحنان
وانا متأكدي كتير من الرسالي والكلام
زاد فيي الفرح وقلبي ايمان كتير مليان
ٌٌٌٌٌٌٌٌٌٌ
حوار 9
كل ظالم بها الدني جبان
والسلاح بايدو مطلقلو العنان
عندو بالقلب خوف قايين
غدار ما بيرحم فاقد الامان
ويلي بيتلطا ورا الفاس بوك
كتار من اصحابك ضيعوك
انتبه لا تستغل سهولة الاتصال
ما عندك بالحريي مستوا في بلوك
وشو في بقلبوا من حقد صوبنا بيدفعو
ما بعرف ها الانسا ن ليش بيصوب مدفعو
ما بعرف ليش حب الاذيي بيشو بينفعو
جرح كل الناس وخرب حولنا الديار
و الطاقة لبيجي منا تيار ريح
سد بيشي بلوك وهيك بتستريح
تركني اليوم خليني على حدا
بهال فاسبوك بحب الفكر الصحيح
يرحم بيو يلي فكر بها الاختراع
انا لليوم ما شفت هيك ابداع
صار عندي مع اصدقائي منبر حر
وبتعرفوا الحريي غاليي ما بتنباع
يا جماعا ليش بدنا نسم البدن
مين بيمنع نسكر ها الباب عا حدن
سكر باب الشر وقعاد مرتاح
وما ترد على بنحكى وحدو ردن
*****
10
فستان قصير
وفي ست تلاقيت فيها فستانها قصير
ما تواخذني يا ابونا قصير الفستان كتير
انا يا بنتي ما جبرتك تختاري الموديل
ولا استشاروني وقت لي درجوا التنانير
بتقصر تنورا لا حقا المودال
وبتطير التنورتا كيف ما الهوا مال
منيح ما بتجي عليها شي عاصفي
بيتروح ها البنت وكل راس المال
وانا ما بيعنيلي ها اللبس على كل حال
مين بيقدر يرد عنا عنين من الرجال
حلو تكون ها البنت وردي مسيجي
ولا زنبقا عا الطريق عا الحارك بتنطال
وبعرف انت ما بتحكي بهيك مجال
غاضض النظر ما حدن بسألك سؤال
كتار بيتقربوا من الستات عا المناولي
شو موقفك من ها الظرف بهيك احوال
*****
11
كلمة حق
انا ربنا بعتني تا خبر عن الانجيل
ما فيني احكي عن اللبس اهادا الجيل
بتمنى تخرق كلمة الله منتل شي سيف
والروح بوقتا بالقلب بيصر لهن دليل
لمن بتخرق كلمة الله متل السيف
بيصيروا الكلمات متل الندي بالصيف
بينتعش بالاعماق قلوب ها الشباب
وبيعرفوا البنت قيمي كبيري مش للكيف
والبنت بتعرف بشخصا حاملي من السما اسرار
وربنا بقلبا جمر لاهب ومحبي من نار
بيصير جسما الحلو هيكل للروح القدس
والفستان حلة المجد عطاها العريس المختار
انا بعيد لمن تنين ببعضن كتير مغرومين
متل جوز عصافير كتير هني مهضومين
يا ريت ها الجوز بيفتحوا قلبن للروح
بالمحبي تيكملوا ها الحب وبيبقوا فرحانين
******
كلام البطرك سيد الكلام12
منحب يكون كلام البطرك سيد الكلام
ومنطلع لمركزو العالي كتير المقام
من هيك منحب يكون في دقة بالاعلام
ما تتقول الكلمات بحسب كل مرام
في ناس بتقيس عا مواقف الزعيم
لازم يرعرف كنوا البطرك معو بالصميم
وهيدي المصيبي بكل ها السياسيين
ما عندن للمركز البطريركي احترام
انا بقترح على البطرك يستعمل الغربال
كل ما بيعلن لازم ينكتب بتأني ها المقال
هيك بيقى سيدنا عاطول سيد المواقف
وبضل مقاموا رفيع بكل تقدير واجلال
قصة رعية اهدن زغرتا قصة المعاز
عندو ساعور بالقوي بدو يعمل كراز
ما دخل كل الموارني بهيك مشاكل
وبطرك الموارني قلبو لمين بينحاز
تأمل وكلمات 13
مصيبة البشر مكبلين بعبوديات
وبينحكى كتير كمان عن الحريات
هدا كبت حاملينوا كتار من زمان
في شي بها الدني غير الازمات؟
هيك كان وضع ايوب قدام المصايب
عن بيفتش بلكي بينشفى بعجايب
في يوم جرب يتحدى ربو الخالق
ويتجنب كلام مرتو مع القرايب
الانسان ما انشلح كيف مكان بها الكون
رفاع عينيك عن حالك وتطلع منيح الهون
ما شفت شوفي عجايب ورا الغيوم
وما تأملت بالنجوم وقوص القدح كم لون
تذكر بعدك محدود مهما عليت بالافكار
عقلك كتير ديق شو بيعرف بكل الاسرار
ولا بتقدر تعرف كيف ربك مسير الكون
تطلع شوي بالنحلي شو بتعمل بالزرار
بسأل سؤال كيف بالموت بيتقل للمجد
هدا سر رايحين تا نحتفل نهار الحد
كيف يسوع الناصري بدل كل العقول
وحط للشر حدود والصليب عاطول الحد
888888
المرا بتعرف تحب 14
ورا كل عظيم مرا بتحب
بتعلم طفلها لغة القلب
بتخفف الوجعات بعين سهراني
وبطعمي ولادها بعيون فرحاني
قلال من الامات بيكونوا شاردين
اذا استعملوا بالقسا شريعة الدين
العبوديي القاسيي بتضغط عا الدماغ
وبيطلعوا اهل البيت تحت ايدا معطوبين
ربنا تركني قالت بالبي مرا اسرائيل
ربنا انجرح شعورو من ها القال وقيل
ما في ام بتنسا رحمها هيك انا بحبك
والعلامي صرت طفل زغير وهدا الدلي
888888
15
الراعي الصالح
معزي وسواعير
غنم وقراقير
والقومي بكير
بدو يسهر عا الغنمات
وينطنط ورا العنزات
ويفتش عا العوايي
يلي علقت بالشوكات
وينتبه عا الخطر جايي
راعي اسرائيل
هويي عمانوئيل
ظهر بالجليل
سمعنا صوتو بالانجيل
الكنيسي هيي الدليل
سلمها كنوز الايمان
صارت قلعة الامان
ونورت ها الدرب الطويل
^^^^^^^
16
هبت عنا بارضنا مع الصبح ريح
قلت خير انشاالله ما رح استريح
خفت من حالي من جنون الهوى
دب الهلع بفيي لا صيير شيح بريح
صح لخفت منو طرت بهاك النهار
عا جوانح متل نسر بعيد المجال
بس بقلبي ولع جمر وهبت نار
نشكر الله طلع حلم وشطخة حيال
مين ما بيذكر سفينة النبي جبران
لمن شافها ولغت شوق وحنين
عا بشري عا الارز عا الديمان
عا لبنان شط بيروت وطلة صنين
ولعت بقلبي كل الذكريات و الحنين
من زمان كنا زغار بالحقول فالتين
متل العصافير فالتين بين الصخور
وما نسينا هاك الحج عا دير قنوبين
شوية ذكريات17
ما نسينا بقنات هاك التينات
سطي عليهن ها الشماس
غافلنا بهاك العصريات
ماترك غير القشرات
وهاك العصفور لغل بالشوكات
ما خلا بهاك الجم ولا شمول
نقور شماميل ها العليقات
وصار عا عرايشنا يجول
ها العرقات من الكركي
عملو بالراس حركي
ضيفناهن ببكركي
ارنجوا لبيزورونا
ها العرقات من الكركي
ضيفناهن ببكركي
بلشنا نحكي تركي
ما فهمنا عا سيدنا
عصرنا عنبات الشركي
وضيفنهن ببكركي
وصرنا نحكي تركي
ما فهمنا عا سيدنا
******
عا الناصرا 18
عا الناصرا اليوم بدنا نطير
تا نذكر شو صار من زمان
تا ننحني للعدرا مع البيشير
ونقللها غطي بتوبك لبنان
وبدنا نحمل معنا شوية ورود
ونقلها هودي باقة من الوديان
تعطروا بندى من ارض الجدود
معن شوية بخور وخلطة ريحان
وليش ارضنا صارت وادي الدموع
بعد ما الدياب عن بتغافل اللولاد
ولو يا عدرا حني عا الجمال بالربوع
وساعدي اللولاد تيعيدوا الميلاد
اليوم يا عدرا نحنا عن ضويي شموع
اهلنا متروكين الرعيان بعدن ملهيين
ما بتذكري بالاشرفيي هاك القطوع
ما انتبهوا كيف مرقت جوقة شياطين
انتي يا عدرا ارزي من ارض بلادنا
عليك اتكلنا وصرنا كبار مع ولادنا
وهونيك بالارض بعدها القلوب
حميها ياعدرا تا تكون لاحفادنا
******
ما بتعرفي 19
ما بتعرفي يا حلوتي العصفور
لبنقر العنقود جنسو عابور
هدا من النوع لمافي وفا
انتبهي بدو للقلب ناطور
ما هم بالقلب بالنقد شو صار
شو مسم كان هاك المنقار
جرح هاك القلب وفتح جروح
سألنا وين ساكن قالوا طار
بدي ازرع عليق عا دربو
وبدي اصلي دبق تا عذبو
عبالي اليوم اخد تار
وقلبي عا كتر الجفا حطبو
بدي اتصيدو بطلق نار
المنافق فضح اسرار
بدي اشلحو بالمهوار
يا معترا متلو كتار
مبارح حكي كلمات شو دار
لبسي عوينات هو ايلي القمار
انا بسحر عينيكي مغروم
ما تخليني عايش محتار
رجعت عا البيت وانا بالويل
ما بقا تخلص يا ها الليل
ما غمضضت لي جفون
محتارا بالحب كان مولع
اكتشفت بالحب كان مشلع
وعينين عن تذرف دموع
ما عرفت كيف كان مقنع
وياما عنيتو ولعت شموع
شو عملتوا بحالكن يا مساكين
اسمحوا يستعملوا جفوتن الصيادين
هدا عابور عليكن عا ارضكن مولع
تاني يوم المسكين من عداد المقتولين
******
ختير الاسد 20
الاسد ختير ما بقا الو سنان
المسكين انزوا متل تعلب جبان
وهيك صار ينطر تا يجي الليل
يفتش شونسي التعلب بالبستان
9 hours ago · Like · 2
خليّ سبع أحسن ؛)
Louisa Moussa
الأسد لو ختير وجار عليه الزمان
بيبقى ملك وسيد الغابة كمان
ومهما الثعالب يحوربو حول العرين
من زأرة صوتو بيهرب هاك الجبان
لكن الأسد لي بتقصدو انت حزين
ناطر حليفو يرجع لبيتو الأمان
7 hours ago · Like
Ghattas Khoury
لقبوا بالاسد كونو من المجرمين
ما خصوا بسباع الغاب الاصيلين
والتعلب يلي عا صيدو متكل
ارنج الغابات وكل البساتين
والتعلب يلي عا صيدو متكل
عا باريس بعدو بدو ينتقل
ما بقا يفيدو سلاح المقاومي
ولا بيشتفي من شي بطل ينقتل
Louisa Moussa
هيدا الأسد كلو سوا حقد وضرر
بين الأوادم عيب اسمو ينذكر
حاجي بقا يتمرجل ويقدح زناد
ما في ولا ظالم بآخرتو انتصر
يا سيد وحوش البراري والوهاد
ارحل…عن اصلك وفصلك معنا كل الخبر
7 hours ago · Unlike · 1
Ghattas Khoury راحت ايام العز وكل المرجلات
وبتجي ايام بيشتهي العضا بالخبزات
ويلي فلت لسانو تشقيع ومرجلي
ما بقا ينفع التهديد ولا الاورنجات
7 hours ago · Like · 1
Ghattas Khoury لا لا هيدا المرض اسمو جنون
بدو علاج ما بيمشي عليه قانون
لا بقسحيا بستقبلوه الرهبان
ولا بكركي بتعالج ها المسكون
7 hours ago · Like · 1
Louisa Moussa مجنون وحط عينو عالبلاد
وداوى جنونو من علاج المغربي
قلبو جحيم لحد هلق ما برد
ولسانو مطعم بسم العقربي
طمع فينا فكرنا قلال العدد…See More
Ghattas Khoury
لسنو فالت علينا يا ستار
وسمات من العقربي كتار
ما بينفعو منجم مغربي
بدو مقسم بقزحيا تاقن الكار
7 hours ago · Like · 1
Louisa Moussa
ههههه منيحا يا محترم
مار مطانيوس وجنازيرو ما قدرو فهمو دينو
كل مقسمين العالم عجهنم مووداينو
صلو ورش ماي كتير ما قدرو عشياطينو
Ghattas Khoury هدا فلت من ارض الجرجسين
لكان فيه جوقة شياطين
كتر ما كان فيه معبايين
غرق قطيع خنازير مساكين
UUUUU
ارزنا 21
وينك يا ارزنا لما بتنطال
شايفك فوق بروس الجبال
عالي راسك فوق الغيم
والدرب عليك ما بتوصال
بدك تقصدني وتعملي زيارا
تا تفتش بعبي عن سر لبنان
قطعت تلال وديان ورجم حجارا
وارض الوعر وشوك وحرزمان
من بعد هاك النهار الخافل بالافكار
طل علينا واقف حاضر متل المردان
ونقزت قدام اشجار حاملي اسرار
تطمنت وسمعت صدا جوات الارز كان
هودي الضماني للناس الابطال الاحرار
ارض برحليون يا ارض المغانم
انا من ويكسبري فيكي حالم
قديش انا مشتاك تا بوس حجارك
واتمتع بارضك وزور كل المعالم
بونا غطاس صحراء اريزونا
Fr. Hanna Karam
هيدي بلادي والمروج
وموج الأخضر عم بيموج
الشوق تفجر بزيادي
وقلب لخافق لجوج
Ghattas Khoury
الشوق تفجر بزيادي
ودوني عا ارض بلادي
تا شم ريحة الطيون
وهيدي لى ارض معادي
تا شم ريحة الطيون
بارضك يا برحليون
وريحة الزعتر بالوديان
وسياج الشوك والزيزفون
Fr. Hanna Karam
الزعتر أريجو بفوح
الكرز تكا عالشلوح
اللوز زهر والوزال
عا كتف الوادي مشلوح
اللوز زهر والوزال
والمشمش بتعبي عدال
التفاح بيشقع حمال
وشو رح قلك عالزيتون
Ghattas Khoury
بحكي عن زعتر وزيتون
وصنوبر ومعو معو طيون
تركلي التفاح والنجاص
والجوز بكروم الطاحون
والكرزات بعين سمعان
وشكافا وتعمير حيطان
والكرم لتحت الدبشي
وصار البيدر والصيران
Fffffff
كردينال
عتبانين الكردينال شو قال
وفيهن مبسوطين يلي نقال كتير عال
تبلدوا عنا الشياطين ومشوارن طال
المهم ها الوكر بالوطن منو ينشال
Monday
قصة لاجيون 22
هونيك حد البحر بقعة الجرجسيين
بهاك المطرح فلتت جوقة شياطين
وهيك انتشر الفقر بالارض والتعتير
مين بدو يخلص ها الناس المساكين
انتوا اليوم تطلعوا شو صار بلبنان
ما شفتوا الشياطين عندن شو عاملين
والراعي عن القطيع عاطول غفلان
شوفوا البشر بها الشر مشربكين
وتطلعوا بمصر بعد ما حكمها الاخوان
بتعرفوا عندن شياطين كتير فالتين
هونيك حد البحر بقعة الجرجسيين
بهاك المطرح فلتت جوقة شياطين
وهيك انتشر الفقر بالارض والتعتير
مين بدو يخلص ها الناس المساكين
انتوا اليوم تطلعوا شو صار بلبنان
ما شفتوا الشياطين عندن شو عاملين
والراعي عن القطيع عاطول غفلان
شوفوا البشر بها الشر مشربكين
وتطلعوا بمصر بعد ما حكمها الاخوان
بتعرفوا عندن شياطين كتير فالتين
وكيف تشوهت صورت المرا والانسان
وهيك كانوا الجماعة ببقعة الجرجسيين
خدتوا فكرا كيف بلد الجرجسين كان
وكيف كان مشربك هاك الانسان
وكيف بالاخر تجمعوا وكانوا معبايين
وهيك كان داقق رزي بالاض ها الشيطان
وكيف وصل لهونيك يسوع ابن الانسان
وكانوا بهاك الاخوت فيه معربطين
اشتلق يسوع من البحر مطنجر كان
تاري من صيتو بالجليل كانوا خايفين
لا قاه ها الاخوت عا الشط سهران
ايش جايي تعمل ببلاد الممسوكين
سد بوزك شو عامل بها الزلمي العدمان
اسمي لا جيون لانو كانوا كتيرين
عا القليلي الف روح نجس بالمجنون كان
تركنا ما تهلكنا فلتنا بقطيع الخنازير
الله يكسر قوتهن فلتوا من هاك العدمان
وصاروا الخنازير ينطوا من فوق الشير
شو مساكين كيف انتحروا ها الخنازير
وارتعبوا بساعتها وهربوا هاك الرعيان
وتحرر المجنون لكان بالشياطين اسير
ورجع لطبيعتوا وديع كتير ها الانسان
بدل ما يعزموا يسوع تا يحرر كل الديار
ما تخربط عقولنا اسمحلنا ما تكمل المشوار
نحنا راضيين نعيش عاطول بهيك تعتير
شو منستفيد اذا كل ها الشعب احرار
وبتعرفوا وقفوا بوجه يسوع وهيك صار
عرف قيمة الحريي هاك الانسان الاسير
فرح واجا لعند يسوح من الفرح عن بيطير
انا بحب اتبعك وين ما بتريد بالليل بلنهار
خليك ببلادك تيعرفوا وبأمنوا فيي كتار
وليعرفوا لكان وارع فلتان بكل الديار
تحرر من شياطين اسم السبغ صلبان
وبقي مش متل الخنازير لجرفن التيار
&&&&&&
23
اليوم العاشر
خلص وقت الصلا وكان يوم الحد
كسروا الخبز وشكروا بهاك النهار
شو قولكن من السما كان الرد
جات عيهن عاصفي ولسانات نار
تذكروا كيف كانوا قبل ملبكين
وشو قالوا ليسوع باول نهار
المجد لاسرائيل والملك ايمتين
قلن تركوا لبيي بيعرف بالاسرار
بالعليي صلوا وانطروا كل الواعيد
ما عرفوا شو كان ناطرهن بالتأكيد
تفاجؤوا بهاك الحد عندن شو صار
ما عرفنا بالضبط شو صار بالتحديد
شرقطت بهاك الكاس جمرة نار
كانوا عن بيقدموا الخبز والخمر تذكار
قولكن كانوا عارفين قيمة الاسرار
شعروا من داخلهن مجاري انهار
وكل يلي قالوا برواق سليمان
مين عطشان عندي مجاري انهار
كيف عرق دم لطخ ارض البستان
قولكن يسوع لحكاه هواية اشعار؟
بيوم العاشر تسلموا كل الامانات
تا تنتشر الكنيسي بكل الاقطار
تركوا السياسي الديقة والشعارت
وحملوا البشارا ونشروا بالدني الايمان
&&&&&
Monday
زيارة العدرا
عا عين كارم جات
تا تشوف ليصابات
حاملتلا الهبات
كل كنوز السماوت
تا تغيير كل القلوب
وتا تفتح كل الدروب
وتخبر عن المحبوب
وتشرح للكاهن ايات
عا العتبي شو صار
بالبيت الخبر طار
سمعتها صابات
عرفت بالحشا الفادي
وتحرك فيها الجنين
بحضور فادي العالمين
عرفت وعد الله امين
عن بيزور كل للي ناطرين
ايمانا كان كبير
انتكلت عا القدير
الختيارا فرحت كتير
عرفت امو لعمانوئيل
والصبي اسمو يوحنا
الله جايي لعنا
توزع نعم من القدير
هوي موعد اسرائيل
&&&&&
زيارة24 العدرا
ܙܝܐܪܬ ܐܠܥܕܪܐ
ام يسوع يا حاملي الانجيل صرت بهاك النهار ام عمانوئيل بلش الرجا يزهر بهاك المشوار حملتي معك رجا لشعب اسرائيل
يا عدرا من بعد هاك البشارا شرفي عا بيتنا بشس زيارا فرحتي قلب كاهن ابكم وفرحتي بحضورك الحتيارا
اليوم متلك عا المذبح نار
من الجمرا الحاملي اسرار
ما بعرف كنو انتبهنا للجمر
يما بعدوا ها الخبز تذكار
من زمان لبيعرفوا شو صار الرسل وام يسوع وتلاميذ كتار وحكي لوقا شو صار بهاك النهار وهيك بهاك المشور فهم هاك الختيار
جمرا كانت ولعت هاك النار الروح
تذكروا يسوع الحمل المذبوح
من جنبوا طلع هاك الدم والاسرار
وبالعنصرا ليش صارت نار
لمن سمع صوت بنت من الجليل
الصبي فرح بالحشا وهدا اكبر دليل
البرقع سقط عن قلب هاك الختيار
و
فهم الكلمات لحكاها الملاك جبرائيل
حضور الروح شو بيعمل تغيير
اسمعوا كلمات اليصابات اكبر دليل
بحضور كل النعم تحرر الاسير
الروح يلي حول بالفعل الحضار شو في الكلام لنحكى بقلب الدار شو بدنا اكتر من هيك برهان وهيك انتشر الانجيل بكل الاقطار
نيالك يا بنتي نسيت انا العار والصبي اكتر من مفتاح للدار الله رخم شعب بيت اسرائيل وهوي لعنا جايي قبل عمانوئيل
ها الكاهن الختيار العايش بالتقليد
ما قدر يفهم علامات من العهد الجديد
كان المنطق ما كفى يسمع غير معقول
******
25 يوسف كرم
لما فهموا على البطل كانوا كتار
يا ما تعب وضحى وانكوى بالنار
قالوا من سبع دول جايي حلول
تركوا باخر وقت للهزيمي والانكسار
والتاريخ عنا بعدو عن بيعيد
بسياسة الشقلبي مش بالايد
بعدن لليوم هن بيراهنوا عا بشار
نسيوا يلي نرسم قبل بالتحديد
عن راهن عا نظام شارف للانهيار
بعدن عن بيراهنوا عا عباية بشار
يا جماعة ختير من زمان النظام
بيكفي مراهنات وفشل وانكسار
بدنا نتمسك بالحق ولو شو ما صار
هيك بدو فؤاد باشا ولبيراهنوا كتار
خلصت من زمان عصور بني عثمان
وحتى انتهت الثورا وضباط الاحرار
لاول مرا بالشرق بيحكوا بالحريات
من مدي قصيري كانت من المحرمات
ومين احرص عاا لحريي من بيت مارون
ما بقا بيجوز لنا نراهن على العصابات
ويلي بعدو للسياسي العتيقا مرهون
هدا بعدوا بالشر قلبو حاقد ومسكون
منترجاه اليوم يفك النير وكل ها الرهان
احسن متصير حالتو متل هاك المجنون
*****
حزب الله من اهل البيت 25
بعد زيارة حزب الله الى الفاتيكان
صاروا من اهل البيت
جاين تا نفتش عا قاعدة لتمثال
لازم مار مارون من مطرح ينشال
ومنبدلوا بالسيد نصرالله يا قباري
اكيد بيوافق معنا مار بشارا والجنيرال
انا عن قدر بالفكر شو جال
تنقطع ايدو لبيدق بالتمثال
عن يحلموا تا يقبعوا بيت مارون
بالدني قطعان رايح الجنيرال
الرابيي ارنجت ويبس السنديان
وين ما بيروح بيخلولوا المكان
يا ناس هربوا اليوم عنا جنون
بسرعة الناس بتنرعب منو كمان
Rona Nicolas Ayache فشرو ابونا .. بس تقرف منن الأرض و تبلعهم بدهم يشتهو يقعدو بحضن الله مع جبران و بيار و بشير و رينية ..و كل لبناني قتلو..مين بقول سوريا لفتكت و خطفت و قتلت شبابنا
بتتحول لجهنم و هني الجيش الأسود جايين نهار
Ghattas Khoury
انا من عشرين سني ربحت الرهان
ما في غير القديسين بيخلصو لبنان
كل يلي انعمل تعريك بالوحلات
ما بيربحوا بالنهايي الا اهل الايمان
كل يلي بيمشي مع القديسين
هني بالنهايي كل يلي مخلصين
كتار عن بيسوقوا بضاعا كاسدي
ما بيبقا عا ارض لبنان غير الاصيلين
كتار شرفوا لعنا كانوا كذابين
من عروبيين وقضية فلسطين
هودي عا صخورنا بلشوا بالانتحار
الارض بتبقى بس لكل الوديعين
*****
27
هدايا من اليوم
طلت علينا اليوم الكوانين
عز الشتي ونحنا بردانين
يا ريت بيكتروا الشتوات
وما نصير بالصيف عطشانين
ما ننسا نزين لعيد الميلاد
ونضوي الليالي بالانوار
ونولف للمحبين هدايا جداد
معليش يبابا واجباتنا كتار
انا بدي اي باود ا فون واي باد
بدك يا بابا تستعد للطفر وتعتاد
ما حكينا بعد عا هدايا للقرايب
ولا بعد لبسنا السني تياب جداد
ما ننسى ورق الزيني شغل برا
هودي لبيعملوهن ببرج حمود بالمرا
انا ما بدي يضحكو علينا الجيران
و كمان نوصي من اليوم عا سمكي حرا
ما تنسوا بعد بوش دونوال وديك الحبش
جربنا نعمل واحد بالبيت تجرصنا انفلش
بقا منهلق انا عن حضر ليستة المعازيم
وعا فيقا شخص الماجوس عمنول انطبش
بعد في عا فيقا بدنا نحضر المغلي والنقولات
بدنا نولف الاراكيل والسنديان بيكونوا الفحمات
وبدنا نوصي من اليوم عا الافندي والبقدونس
وما تنسا تمرق عا الدكان تجيب البرغلات
وانا عبركرا بدي روح على بيروت
هونيك بالدون تون بشوف اخر مودلات
في محل ما بعرف اسموا عا المظبوت
جايب من باريس اليوم احلى سكربينات
وما تنسا كمان بدي قصة لشعري الا مود
في حلاق مهضوم قالوا كتيير مهضوم
ومحل الكبابيت في عندو بكرا سولد
ما توخذني يارجال شوي لح تكون مظلوم
كلن اجوا بالليستا ونسينا الناس المغبونين
لنظلموا بالحبس وكتار منهن مظلومين
وها الولاد لصاروا يتامى بالحرب بالبلاد
ما بيسوا نساعد اليوم منعرف نيلادن حزين
والكنيسي يلي بتحتضن كل ها المعترين
ما منحسب حساب صينية حلو للمغلوبين
وشي قرشين زيادي بمغلف كرمل ها العيد
تتساعد ها الناس لنجرحوا وبقيوا مستورين
باسموا عن تنور كل ها الدني بالانوار
وليش مكربجين بقيود من بعد ما كنا احرار
العيد بيذكرنا تا تنور كل القلوب بالافراح
ولد يسوع تا يحرر البشر من الهموم الكتار
باسموا عن نتبادل القبلات وكل ها الهدايا
لطينا ورا البروتوكولات وكركبة قضايا
كيف فراح بهاك الليل الرعاة المساكين
وتذكروا كيف الله صار معنا اجمل العطايا
******
عملوا معمل للف الصندويشات
سودا الالوان غربان ها الستات
من زمان كانوا بالاسود يتجمعوا
تا يندبوا ميت ويعملوا منا حات
واليوم انكسر وا ببلادنا الاميركان
وتراجع الشفر من شيك وجيلات
وخسروا بضاعتهن بارض ايران
ما بقا في بيع كلسات نيلون وكرافاتات
3 hours ago · Edited · Like · 3
واليوم بالثورا زادوا الشتائم والسبات
وكلاب جعاريي بهبهب حسب الطلبات
في نكه وفي عسل بضاعة خليجيي
وفي حجار وغبار حسب الطلبيات
انا عن بكتب بدل صور كريكاتوريات
ما بحب اجرح شعور الناس والمقامات
بس لمن منشوف شو عن بيصير
الساكت شيطان اخرس بالظلمات
عا جهنم الحمرا حاصيلين القيقان
بكفي لصار بافغانستان وابايران
واليوم امتد وا الغربان عا مصر
ابوا الهول بدو يتحجب كمان
وقح قاعد ناطر من زمان
عن يتطلع على نفر تيتي كمان
اسوا اليوم بدنا نقطعوا
المنافق عن براقب النسوان
*****يا ريت بيرجع وهج ها الاحرار
ويرجع صيت لبنان لامع بالاقطار
كل عمرو كان يشرقط نور
ليش عا ها الوطن الدهر جار
يوسف كرم بعز الفحم والشحتار
وقف مع رجالوا ما خافوا وهج النار
كان بالقلب الايمان اقو ى سلاح
صمد متل الصخر قدام اعدا كتار
******
لحن فيوستو زيارة العدرا
هاليلويا
شو بدي خبر شو صار بهك البيت العتيق
قالوا كاهن ولع نار ظهر الله قلبو رقيق
طلع بعدا اخرس الختيار وانتشرت بعدا ها الاخبار
وتحقق ها الوعد الامين وفرخ رجا للمؤمينين
هاليلويا
سمعت صوت الختيار طلع من عتبة الدار
مريم حملت للبشارا يا احلا واجمل اخبار
كانت الختيارا مفتكرا ربنا محا بس العار
صار الخبار متل النار شوفوا الفرح قلبا كيف صار
هاليلويا
ايمانك كتير قوي جايي من ارض الجليل
عا شفافك حاملي بشرى وبحشاكي عمانوئيل
ربنا القادر نقاكي ياحلا صبيي بها الجيل
نعم كتيري عطاكي انتي رجا اسرائيل
هاليلويا
نفسي الرب تعظم قالت بنت صهيون
حاملي تقدير كل الاجيال انتي عطيتي راجا للكون
ومن اليوم وعاطول الايام بتباركك كل الشعوب
وصرتي هاك العليقا لحملت رجا للقلوب
*******
كلن بيحكوا عن ثورا وحريات
هيدي كلها اوهام وخبريات
ما في غير ثورة مار مارون
بتغير مصير ها الشرق يلي مات
التوره الحقيقيه
ثورة مار مارون هي ثورة الاعماق
بلشت بيشخص ووسعت الافاق
وتجمعوا حول المطرح ناس كتار
وبفضل ها الثورا لبنان صار عملاق
واليوم عا نيحوا بثورا وبيثوار
ما طلع بعدا الا دخان وغبار
وكلام قاسي بوسايل الاعلام
وكتر حكي متل ردات الحجار
8 hours ago · Like · 2
Charl Yaqub Richa كل القصه وما فبها
مار مارون بيحويها
دين وحب وعباده
الله ويسوع حاميها
لولا ها الحلم بيصير
لبنان بيوفر دم كتير
ولكان تحكم فينا الغول
وما كنا عرفنا التعتير
****
الاصالي ما راحت باقيي بلبنان
طينوا بالوحل وانطمرت مع الزمان
متل الدهب لمن بيشوف النور
ما تخافي
الارز عنا باقي علامة امان
Angel Al Arz ما اروعك يا زغلول الجرد
· 1
ا عصفور الشوك بالوديان
لاهب بقلبي الشوق من زمان
يا مين ياخدني عا ارض المرج
واعمل طاحون بزهرة اقحوان
هونيك كان نحر نحنا وزغار
اسرح مع الساعور بالحرزمان
ما كنا نعرف كيف يروح النهار
كنا بالليل نسرح بالجرد بامان
وبهاك
1 بدن سيف مار الياس متل هيك بشر
متل ما قعر البعل من الارض انقشر
هيك بدو السيف يقطع ها الروس
متل شي بطل مع جوقة دياب نحشر
ربنا عطانا الكلمي المسيح سيف الروح
كلمة الحق معك مطرح ما بدك روح
والروح يلي قام من الموت يلي انصلب
كسر الموت والارهاب وضمد جروح
وليش نحنا بعدنا عا السلاح غافلين
صرنا ضحايا الغدر اغبيا مش داريين
مشينا بسياسة الاحباط والتخويف
صدقنا كم واحد مصلحجي من الكذابين
ما بتذكر عبد الناصر وياسر عرفات
كيف مرقوا بلبنان هاك الكذبات
حكيوا عن شرف العروبي والجهاد
تبينت من بعدها كانت خرافات
******
تطلعوا شوفوا هدا المختار
ابن الله القادر القوي الجبار
حمل وديع بالمعلف فوق التبنات
ليش عمل هيك شو ها الاحتقار؟
اذا شي يوم دق مسكين عا البواب
الله يبعتلك شي حدن يهتم فيك
بيكون باعتوا يسوع يا اصحاب
انتبه مع ها الشحاد ربنا عاطيك
كتار بيفوتوا علين فرص بالميلاد
بيلتهوا بالهدايا ومعن تياب جداد
وبينسوا كيف ابن الله حمل وديع
وبعدن بالايمان واقفين عا حياد
كيف يعني بالدياني عا حياد
كتار بيستغلوا هيك عياد
يا بغرقوا بالهدايا معن الواجبات
وبيتركوا يسوع الزفير يلهي لولاد
عن يلبسوا ويتقلوا التياب المساكين
ومش عارفين بعدن عاطول بردانين
يا ريتن بقربوا حد ها المعلف الحفير
تا ياخدوا حرارا من الحب ها المعترين
— with É
اورانج
هلق انتي جنتي
من عند كتار فليتي
كنت عن اعملك صيت
من سباتي اهتريتي
كنت عم بعملك صيت
التهيت كتير بالعييط
وانا بحزب الله لطيت
وتحت جنا حي تخبيتي
ما عاد خلصت السبات
ومن بعدا كم واحد مات
من ايران كم واحد فات
لولا مني نعصرتي
الله يلعن الليمون
من الارانج ما حدا منون
يار يتني خلقت طيون
ها المجنون عذبني
نكايي ما بقا لهن سقايي
ولا لهن حق الرعايي
الله يلعن ها الدايي
لشتا من زمان سميتني
بيصيدا يبسوا البساتين
خيموا تحتن الجنوبيين
ويا قباري معن الايرانيين
وانا هلق يا شحاري
*****
تطلعوا شوفوا هدا المختار
ابن الله القادر القوي الجبار
حمل وديع بالمعلف فوق التبنات
ليش عمل هيك شو ها الاحتقار؟
اذا شي يوم دق مسكين عا البواب
الله يبعتلك شي حدن يهتم فيك
بيكون باعتوا يسوع يا اصحاب
انتبه مع ها الشحاد ربنا عاطيك
كتار بيفوتوا علين فرص بالميلاد
بيلتهوا بالهدايا ومعن تياب جداد
وبينسوا كيف ابن الله حمل وديع
وبعدن بالايمان واقفين عا حياد
كيف يعني بالدياني عا حياد
كتار بيستغلوا هيك عياد
يا بغرقوا بالهدايا معن الواجبات
وبيتركوا يسوع الزفير يلهي لولاد
عن يلبسوا ويتقلوا التياب المساكين
ومش عارفين بعدن عاطول بردانين
يا ريتن بقربوا حد ها المعلف الحفير
تا ياخدوا حرارا من الحب ها المعترين
88888888
هدا ها الشعر الجايي نفحة بخور
معطر بالارز العالي بنغم مسحور
طل علينا بانغامو يرش المنتور
بلكي قلوبن بيلينوا ويوعوا مجانين
Angel Al Arz اللله شو ح
لو هالحكي يسعد مساك وصباحك
1
بدنا نصرخ ونغني فوق المعقول
وندق عابواب الجني ونصرخ ونقول
انتبهوا عا الله لهني مجانين عاطول
ها الطني ورني جواق شياطين
&&&&&
ما تستخفوا ابدا بها الحمار
حمل يسوع وهربو من الاخطار
كان راضي بيطيع مار يوسف
وكان بايام الصحو يرعا بالنهار
وهدا الحمار كان مربوط بالتبان
نقلوه تا يوسع مطرح لسوع
يسوع حدوه كان نايم بامان
والتور حد المهد كان مسبوع
وابن هل الحمار لكان بالشعانين
لحمل يسوع واستقبلوه المحتفلين
ها الحمار ما طول بهاك الاحتفال
رجع انربط عا معلفو المسكين
يمكن ستو كانت حمارة بلعام
طويلي السلسلي من الف عام
حكيت هاك الحمارا متل بني ادمين
دافعت عن بني اسرائيل بالاعلام
******
انا مع ثورة مار مارون
نبيل إسبر
إنشالله…تثور ثورة مار مارون…هي الثورة الصحيحة التي ستكون آخر ثورة ف تأريخ الإنسانية.
لاأعرف لماذا لم تنصِّر فرنسا الجزائرييّن خلال ١٣١ سنة؟؟؟
الحل الوحيد هو ثورة المحبة أحبو بعضكم بعضا
انا مع ها الثورا لبلشت من زمان
وزرعت بدار فرخ ارز بارض لبنان
ما منقبل نكون تحت هاك النير
منتذكر كيف صمد ابطالنا المردان
هيدي ثورا وعيت من اربع قرون
ابطالها الدويهي وعميرا وابن نمرون
فتحوا الدرب عا الغرب لفخر الدين
وهيك تجدد ها البيت لاسمو مارون
نبيل إسبر
صمدوا بظل ظروف معينة.
العصر تغير والسلفيون إجتاحوا المنطقة العربية…وإن نجحوا في إختراق سوريا إنتهى كل شيىء وسيذبح كل من ليس منهم
Ghattas Khoury
هودي بلا دماغ وين ماكان فالتين
ما بيخوفوا متل بسينات منفشين
بستعملوا الارهاب تيخوفوا الابطال
وابطالنا عا هيك اشكال موعودين
4 hours ago · Like · 2
Fr. Hanna Karam ومانك مع ثورة جماعتو?
about an hour ago · Like
Ghattas Khoury ثورة جماعتو
الله يكسر قوتو
الله عندو حزب
و الله طاروا عقلاتو
***
بالمشبرح
بعدنا ناطرين السلم من زمان
قولكن بيرجع يستريح بربوع لبنان
قالوا خلولوا بالجبل مرقد عنزي
طلعت اشاعة باعوه للشيطان
مين قولك كانوا السماسرا والبياعين
طلع كم واحد خاين من الاسخريوتين
وكم واحد زعموا خوتان ومجانيين
وكتار بعقول اللبنانيي مستخفين
عععععععع